"Jańa oqý jylyna arnalǵan oqýlyqtardyń 99% mektepterge jetkizildi. Ońtústik Qazaqstan men Aqtóbe oblysynda ǵana oqýlyqpen qamtý jumystary áli jalǵasyp jatyr. Bul týraly QR BǴM vitse-ministri Elmira Sýhanberdieva «Oqý oryndarynyń jańa oqý jylyna daiyndyǵy týraly» taqyrybyndaǵy OKQ brifingi barysynda málimdedi", - dep habarlaidy "Ult aqparat".
«1 qyrkúiek kúni elimiz boiynsha mektepke 2,5 mln astam oqýshy barady. Boljam boiynsha, birinshi synypqa baratyn oqýshylar sany 370 myńdy quraidy. Jergilikti atqarýshy organdardyń málimetine sáikes, jańa oqý jylynda 7126 mektep bilim beredi. Aǵymdaǵy jyly 99 mektepti iske qosý josparlanǵan. Olardyń ishinde 1 qyrkúiekke deiin 60 mektepti, 2016 jyldyń sońyna deiin 32 mektepti ashý kózdelip otyr», - dedi vitse-ministr.
Onyń aitýynsha, apatty jaǵdaidaǵy mektepterdiń barlyǵy aǵymdaǵy jáne kúrdeli jóndeýden ótkizildi. Mektepterdiń jylytý júieleri de ázirlendi.
«24 tamyzdaǵy jaǵdai boiynsha, jańa oqý jylyna arnalǵan oqýlyqtardyń jetkizilý kórsetkishi 99 paiyzdy quraidy. Elimizdiń 14 óńirine oqýlyqtardy jetkizý aiaqtaldy. Al Ońtústik Qazaqstan oblysy (96 paiyz) men Aqtóbe oblysynda (93 paiyz) jumys áli júrgizilip jatyr. Oqýlyqtarmen qamtamasyz etý júiesi QR BǴM baqylaýynda», - dedi vitse-ministr.
.jpeg)