Búginde elimizdegi pedagogterdiń 84 paiyzy koronavirýs infektsiiasyna qarsy vaktsina aldy. Bul týraly QR Premer-Ministriniń orynbasary Eraly Toǵjanov aitty, dep habarlaidy QazAqparat.
Ortalyq kommýnikatsiialar qyzmetindegi brifing barysynda BAQ ókilderi QR Densaýlyq saqtaý ministri Aleksei Tsoidan mektep oqýshylary men stýdentter qashan oflain oqýǵa oralatyndyǵyn suraǵan edi.
«Barlyǵy epidemiologiialyq ahýalǵa bailanysty bolady. Ujymdyq immýnitet halyqtyń 60 paiyzdan astamy vaktsina alǵan kezde qalyptasady. Sondyqtan barlyq ujymdar daiyndalyp jatyr. Stýdentterdiń arasynda, jalpy halyqtyń arasynda túsindirý jumystary qarqyndy júrgizilýde», - dep jaýap berdi ministr.
Al osy saýalǵa tolyǵyraq jaýap bergen QR Premer-Ministriniń orynbasary Eraly Toǵjanovtyń dereginshe, búginde pedagogterdiń 84 paiyzy koronavirýsqa qarsy vaktsina alǵan.
«Sondyqtan qazirdiń ózinde óte baiypty daiyndyq júrgizilip jatyr. Menińshe, ary ketkende 20 shildege deiin (pedagogter tolyq vaktsina alýy tiis). Bul jaiynda barlyǵy biledi. Oflain rejimge oralý josparymyzda bar. Biraq, bul birinshi kezekte epidemiologiialyq ahýalǵa bailanysty bolady. Degenmen, elimiz oqytýdyń dástúrli formatyna daiyndalyp jatyr», - dedi Eraly Toǵjanov.
