بٷگٸندە ەلٸمٸزدەگٸ پەداگوگتەردٸڭ 84 پايىزى كوروناۆيرۋس ينفەكتسيياسىنا قارسى ۆاكتسينا الدى. بۇل تۋرالى قر پرەمەر-مينيسترٸنٸڭ ورىنباسارى ەرالى توعجانوۆ ايتتى, دەپ حابارلايدى قازاقپارات.
ورتالىق كوممۋنيكاتسييالار قىزمەتٸندەگٸ بريفينگ بارىسىندا باق ٶكٸلدەرٸ قر دەنساۋلىق ساقتاۋ مينيسترٸ الەكسەي تسويدان مەكتەپ وقۋشىلارى مەن ستۋدەنتتەر قاشان وفلاين وقۋعا ورالاتىندىعىن سۇراعان ەدٸ.
«بارلىعى ەپيدەميولوگييالىق احۋالعا بايلانىستى بولادى. ۇجىمدىق يممۋنيتەت حالىقتىڭ 60 پايىزدان استامى ۆاكتسينا العان كەزدە قالىپتاسادى. سوندىقتان بارلىق ۇجىمدار دايىندالىپ جاتىر. ستۋدەنتتەردٸڭ اراسىندا, جالپى حالىقتىڭ اراسىندا تٷسٸندٸرۋ جۇمىستارى قارقىندى جٷرگٸزٸلۋدە», - دەپ جاۋاپ بەردٸ مينيستر.
ال وسى ساۋالعا تولىعىراق جاۋاپ بەرگەن قر پرەمەر-مينيسترٸنٸڭ ورىنباسارى ەرالى توعجانوۆتىڭ دەرەگٸنشە, بٷگٸندە پەداگوگتەردٸڭ 84 پايىزى كوروناۆيرۋسقا قارسى ۆاكتسينا العان.
«سوندىقتان قازٸردٸڭ ٶزٸندە ٶتە بايىپتى دايىندىق جٷرگٸزٸلٸپ جاتىر. مەنٸڭشە, ارى كەتكەندە 20 شٸلدەگە دەيٸن (پەداگوگتەر تولىق ۆاكتسينا الۋى تيٸس). بۇل جايىندا بارلىعى بٸلەدٸ. وفلاين رەجيمگە ورالۋ جوسپارىمىزدا بار. بٸراق, بۇل بٸرٸنشٸ كەزەكتە ەپيدەميولوگييالىق احۋالعا بايلانىستى بولادى. دەگەنمەن, ەلٸمٸز وقىتۋدىڭ دەستٷرلٸ فورماتىنا دايىندالىپ جاتىر», - دەدٸ ەرالى توعجانوۆ.
