Ulanǵaiyr jerimizdiń baiyrǵy ataýlaryn, uly tulǵalarymyzdyń esimin urpaq sanasynda jańǵyrta beremiz. Bul týraly QR Prezidenti Qasym-Jomart Toqaev Qazaqstan halqyna Joldaýynda aitty, dep habarlaidy QazAqparat.
«Jalpy, jańa oblystardyń qurylýy - kópshiliktiń kókeiinde júrgen másele. Kezinde oblys mártebesinen airylǵan óńirlerde turǵyndar sany azaiyp, turmys sapasy tómendep ketkeni jasyryn emes. Osy olqylyqtyń ornyn toltyratyn kez keldi. Ákimshilik-aýmaqtyq ózgerister memlekettik basqarý úderisin jeńildetedi. Jurttyń oblys ortalyǵyna barys-kelisin ońailatady. Ishki kóshi-qon máselesin retteýge septigin tigizedi. Jańa qurylatyn oblystardyń Abai, Ulytaý, Jetisý dep atalýynda erekshe mán bar. Biz ulanǵaiyr jerimizdiń baiyrǵy ataýlaryn, uly tulǵalarymyzdyń esimin urpaq sanasynda jańǵyrta beremiz», - dedi Qasym-Jomart Toqaev.
