Jańa Aqparat jáne áleýmettik damý ministri Darhan Qydyráli Úkimet otyrysynda ant qabyldady, - dep habarlaidy Tengrinews.kz.
"Ózderińiz bilesizder, Memleket basshysynyń Jarlyǵymen Asqar Qýanyshuly Omarov Aqparat jáne áleýmettik damý ministri qyzmetinen bosatyldy. Memleket basshysynyń Jarlyǵymen Qydyráli Darhan Qýandyquly ministr bolyp taǵaiyndaldy. Asqar Qýanyshulyna atqarǵan qyzmeti úshin alǵys aitamyz. Darhan Qýanyshuly, sizdi quttyqtaimyz", - dedi Premer-ministr Álihan Smaiylov.
Zań boiynsha úkimettiń jańa músheleri ant berýge mindetti.
"Qazaqstan Respýblikasynyń halqy men Prezidentiniń aldynda bar kúsh-jigerim men bilimimdi Qazaqstan Respýblikasynyń ekonomikalyq jáne rýhani damýy jolyna jumsaýǵa, Konstitýtsiia men zańdardy buljytpai saqtaýǵa, ózimniń barlyq is-áreketimde zańdylyq pen ádilettilik, azamattyq etnosaralyq jáne konfessiiaaralyq kelisim printsipterin ustanýǵa, Qazaqstan halqyna adal qyzmet etýge, óz elimniń memlekettiligi men álemdik qaýymdastyqta bedelin nyǵaitýǵa ant etemin", - dep ant mátinin oqydy Darhan Qydyráli.
