جاڭا اقپارات جەنە ەلەۋمەتتٸك دامۋ مينيسترٸ دارحان قىدىرەلٸ ٷكٸمەت وتىرىسىندا انت قابىلدادى, - دەپ حابارلايدى Tengrinews.kz.
"ٶزدەرٸڭٸز بٸلەسٸزدەر, مەملەكەت باسشىسىنىڭ جارلىعىمەن اسقار قۋانىشۇلى وماروۆ اقپارات جەنە ەلەۋمەتتٸك دامۋ مينيسترٸ قىزمەتٸنەن بوساتىلدى. مەملەكەت باسشىسىنىڭ جارلىعىمەن قىدىرەلٸ دارحان قۋاندىقۇلى مينيستر بولىپ تاعايىندالدى. اسقار قۋانىشۇلىنا اتقارعان قىزمەتٸ ٷشٸن العىس ايتامىز. دارحان قۋانىشۇلى, سٸزدٸ قۇتتىقتايمىز", - دەدٸ پرەمەر-مينيستر ەليحان سمايىلوۆ.
زاڭ بويىنشا ٷكٸمەتتٸڭ جاڭا مٷشەلەرٸ انت بەرۋگە مٸندەتتٸ.
"قازاقستان رەسپۋبليكاسىنىڭ حالقى مەن پرەزيدەنتٸنٸڭ الدىندا بار كٷش-جٸگەرٸم مەن بٸلٸمٸمدٸ قازاقستان رەسپۋبليكاسىنىڭ ەكونوميكالىق جەنە رۋحاني دامۋى جولىنا جۇمساۋعا, كونستيتۋتسييا مەن زاڭداردى بۇلجىتپاي ساقتاۋعا, ٶزٸمنٸڭ بارلىق ٸس-ەرەكەتٸمدە زاڭدىلىق پەن ەدٸلەتتٸلٸك, ازاماتتىق ەتنوسارالىق جەنە كونفەسسيياارالىق كەلٸسٸم پرينتسيپتەرٸن ۇستانۋعا, قازاقستان حالقىنا ادال قىزمەت ەتۋگە, ٶز ەلٸمنٸڭ مەملەكەتتٸلٸگٸ مەن ەلەمدٸك قاۋىمداستىقتا بەدەلٸن نىعايتۋعا انت ەتەمٸن", - دەپ انت مەتٸنٸن وقىدى دارحان قىدىرەلٸ.
