Foto: Informburo.kz
Baqyt Sultanovtyń ornyna Saýda jáne integratsiia ministri qyzmetine kelgen Serik Jumanǵarin burynǵy áriptesi týraly pikir bildirdi, dep habarlaidy Sputnik Qazaqstan.
"Baqyt Turlyhanuly - kásibi, belsendi, tájiribeli azamat. Árine, ol qiyn ýaqyt boldy. Birinshisi - koronavirýs, ekinshisi - Ýkrainadaǵy jaǵdai. Munyń bári baǵaǵa da, logistikaǵa da áser etip jatyr. Sol sebepti bireýdi jamandaityn jaǵdaiym joq. Meniń mindetim - erteń osyndai jaǵdai eshqashan qaitalanbaý úshin jumys isteý", - dedi Jumanǵarin Úkimet kýlýarynda jýrnalisterdiń suraǵyna jaýap berip.
BAQ ókilderi odan jańa laýazymǵa taǵaiyndalý týraly jańalyqty qalai qabyldaǵanyn surady.
"Men biraz jyl memlekettik qyzmettemin. Shynymdy aitsam, eshqandai laýazymǵa qýanbaimyn da, keterde jylamaimyn da (kúldi). Ol degen qyzmet, jumys. Biraq keshe Prezidentke senimin aqtaýǵa, adal, belsendi jumys isteýge tyrysatynymdy aittym", - dedi ol.
Eske salsaq, keshe, 15 tamyzda Prezident Serik Maqashuly Jumanǵarindi Premer-ministr orynbasary – Saýda jáne integratsiia ministriniń mindetterin atqarýshy qyzmetine taǵaiyndady.
Buǵan deiin bul qyzmetti Baqyt Sultanov atqardy. Ol qant tóńiregindegi problemaǵa bailanysty Prezident Qasym-Jomart Toqaevtan sógis alǵan bolatyn.
Al Jumanǵarinniń ózi jańa qyzmetke deiin Básekelestikti qorǵaý jáne damytý agenttigin basqardy.
