فوتو: Informburo.kz
باقىت سۇلتانوۆتىڭ ورنىنا ساۋدا جەنە ينتەگراتسييا مينيسترٸ قىزمەتٸنە كەلگەن سەرٸك جۇمانعارين بۇرىنعى ەرٸپتەسٸ تۋرالى پٸكٸر بٸلدٸردٸ, دەپ حابارلايدى Sputnik قازاقستان.
"باقىت تۇرلىحانۇلى - كەسٸبي, بەلسەندٸ, تەجٸريبەلٸ ازامات. ەرينە, ول قيىن ۋاقىت بولدى. بٸرٸنشٸسٸ - كوروناۆيرۋس, ەكٸنشٸسٸ - ۋكرايناداعى جاعداي. مۇنىڭ بەرٸ باعاعا دا, لوگيستيكاعا دا ەسەر ەتٸپ جاتىر. سول سەبەپتٸ بٸرەۋدٸ جاماندايتىن جاعدايىم جوق. مەنٸڭ مٸندەتٸم - ەرتەڭ وسىنداي جاعداي ەشقاشان قايتالانباۋ ٷشٸن جۇمىس ٸستەۋ", - دەدٸ جۇمانعارين ٷكٸمەت كۋلۋارىندا جۋرناليستەردٸڭ سۇراعىنا جاۋاپ بەرٸپ.
باق ٶكٸلدەرٸ ودان جاڭا لاۋازىمعا تاعايىندالۋ تۋرالى جاڭالىقتى قالاي قابىلداعانىن سۇرادى.
"مەن بٸراز جىل مەملەكەتتٸك قىزمەتتەمٸن. شىنىمدى ايتسام, ەشقانداي لاۋازىمعا قۋانبايمىن دا, كەتەردە جىلامايمىن دا (كٷلدٸ). ول دەگەن قىزمەت, جۇمىس. بٸراق كەشە پرەزيدەنتكە سەنٸمٸن اقتاۋعا, ادال, بەلسەندٸ جۇمىس ٸستەۋگە تىرىساتىنىمدى ايتتىم", - دەدٸ ول.
ەسكە سالساق, كەشە, 15 تامىزدا پرەزيدەنت سەرٸك ماقاشۇلى جۇمانعاريندٸ پرەمەر-مينيستر ورىنباسارى – ساۋدا جەنە ينتەگراتسييا مينيسترٸنٸڭ مٸندەتتەرٸن اتقارۋشى قىزمەتٸنە تاعايىندادى.
بۇعان دەيٸن بۇل قىزمەتتٸ باقىت سۇلتانوۆ اتقاردى. ول قانت تٶڭٸرەگٸندەگٸ پروبلەماعا بايلانىستى پرەزيدەنت قاسىم-جومارت توقاەۆتان سٶگٸس العان بولاتىن.
ال جۇمانعاريننٸڭ ٶزٸ جاڭا قىزمەتكە دەيٸن بەسەكەلەستٸكتٸ قورعاۋ جەنە دامىتۋ اگەنتتٸگٸن باسقاردى.
