2018 jyly Almaty oblysynda 31 myń jumys orny qurylyp, jumyssyzdyq deńgeii 4,6 %-ke tómendegen. Bul týraly keshe oblys ákimi Amandyq Batalovtyń tóraǵalyǵymen ótken oblys ákimdiginiń otyrysynda aityldy. Onda oblystyń 2018 jylǵy áleýmettik-ekonomikalyq damý qorytyndylary jáne 2019 jylǵa arnalǵan mindetter týraly másele qaraldy, - dep habarlaidy Almaty oblysy ákiminiń baspasóz qyzmeti.
Oblys ákiminiń orynbasary J. Tuiaqovtyń oqyǵan baiandamasynyń málimetterine qaraǵanda, barlyq salada oń serpin saqtalǵan. Óndiristegi ósim 3,1 %, aýyl sharýashylyǵynda 3,6 %, qurylysta – 1,6 % quraǵan, 574 mlrd. teńge investitsiia tartylyp, 3 %-ke ósken, 712 myń sharshy metr turǵyn úi paidalanýǵa berilgen. Indýstrialdy-innovatsiialyq damý baǵdarlamasynda 3 indikatorǵa qol jetkizildi. Máselen, óńdeýshi ónerkásiptiń kólemi 1,7% artyp, 762 mlrd. teńgege jetken, al shikizattyq emes eksport 14,6% ósip, 298 mln. AQSh dollarynan asty. Óńdeýshi ónerkásipke 80 mlrd. teńge investitsiia tartyldy. Aýyl sharýashylyǵynda jalpy ónim kólemi 703 mlrd. teńgeden asty. AÓK-ge 82 mlrd. teńge investitsiia tartylǵan, bul 2017 jylmen salystyrǵanda 1,2 esege kóp.
Baiandamashynyń aitýynsha, Prezidenttiń 5 áleýmettik bastamasyn júzege asyrýǵa óńirde kóp kóńil bólingen. Atap aitqanda, halyqty «7-20-25» memlekettik baǵdarlamasy aiasynda qoljetimdi baspanamen qamtamasyz etý, 63 myń teńgege deiingi jalaqy alatyn jumysshylardyń salyq júktemesin azaitý, bilim granttaryn 20 myń orynǵa kóbeitý, bul oblys boiynsha oqýǵa túskenderdiń sanyn 35 %-ke ulǵaitýǵa múmkindik beredi. Sol siiaqty 2218 oryndyq 11 jataqhana salýǵa jer ýchaskeleri belgilengen, biylǵy jyldyń naýryz aiynda Taldyqorǵanda 288 orynǵa arnalǵan alǵashqy jataqhananyń qaita jańǵyrtý jumystary bastalady. 4-shi bastama sheńberinde 2018 jyly óńirde 6,1 mlrd. teńge bolatyn 1339 mikrokredit berilgen, sonyń nátijesinde 1400-den astam adam jumyspen qamtyldy.
J. Tuiaqov kemshilikterge de toqtalyp ótti. Olardyń qatarynda gazdandyrý isi de bar. Kórsetilip otyrǵan qoldaýlarǵa qaramastan búgingi kúni oblysta 142 eldi meken gazdandyrylǵan, oblys boiynsha gazdandyrý deńgeii 30 %. Oblystyń qalalarynda shaǵyn jáne orta biznesti damytýǵa mikrokreditter berý jumysy nashar júrgizilýde. Óńirdiń birqatar aýdandarynda Nátijeli jumyspen qamtý jáne jappai kásipkerlikti damytý baǵdarlamasy boiynsha oqytylǵan azamattardy jumysqa ornalastyrý deńgeii tómen.
Baiandamashynyń sózin tyńdaǵan oblys ákimi A. Batalov oblystyń aýdan, qalalarynyń ákimderi jiberilgen kemshilikterdi biylǵy jyly joiyp, jumysty kúsheitýleri kerektigin eske saldy.
«Memleket basshysy jýyrda ótken Úkimettiń keńeitilgen otyrysynda aldymyzǵa naqty mindetter júktedi. Barlyǵymyz sol berilgen tapsyrmalardy oryndaý baǵytynda júieli jumys isteýimiz kerek», - dedi A. Batalov.
Munan soń sóz alǵan oblys ákiminiń orynbasary Serikjan Beskempirov oblysta aýyl sharýashylyǵyn damytý, jer máselesinde zańsyzdyqtarǵa jol bermeý maqsatynda atqarylǵan isterge toqtalyp ótti.
Jiynda kezegimen minbege Talǵar jáne Qaratal aýdandarynyń ákimderi kóterilip, jasalǵan isteri men 2019 jylǵy mindetteri týraly aitty.
Baiandamashylardy tyńdaǵan oblys ákimi Amandyq Batalov Talǵar aýdanynyń ákimi R. Satbaevqa «7-20-25» baǵdarlamasyn iske asyrýdy, halyqtyń áleýmettik áljýaz toptaryna arnap jalgerlik qurylysty jandandyrýdy tapsyrdy. Sol siiaqty úsh aýysymdy mektepter máselesin belsendi sheshý de júkteldi.
Qaratal aýdanyna kelsek, munda ónerkásipti órkendetý mindeti tur. Aýdan ákimi R. Raqymbekovke qarata oblys ákimi:
- Óz sózińde aýdanda birneshe kásiporyn ashylady dep esep berdiń. Olardyń barlyǵy iske qosylsa, shynynda jaqsy ǵoi. Aýdan aýmaǵynda temir jol bar, bul – úlken múmkindik. Jýyrda gaz jetkiziledi. Eldi mekender ishindegi gaz taratý júieleriniń qurylysyn júrgizýge daiyn bolý kerek. Keńirek oilap, alysty kórip úirený kerek. Aýdan ákimderiniń árqaisysy gazdandyrýymen jeke dara ainalysyp, árbir protsesine qatysýy kerek, investor izdestirýi kerek. Sonda ǵana jumys ilgerileidi, - dedi A. Batalov.
Oblystaǵy densaýlyq saqtaý salasyn tsifrlandyrý jóninde oblystyq densaýlyq saqtaý basqarmasynyń basshysy B. Ysqaq aitty. Bul oraida oblys basshysy birinshi kezekte meditsinalyq qyzmet kórsetý sapasy men kadr jetispeýshiligi máselesin sheshý turǵanyn atap ótti. Sondai-aq mamandarǵa qajettiligine qarai turǵyn úiler salý jaily da sóz etti.
Osy jiyn barysynda oblystyq jer qatynastary basqarmasynyń basshysy Q. Qashqymbaev paidalanylmai jatqan jerlerdi qaitarý boiynsha atqarylyp jatqan jumystarǵa toqtaldy.
Sol siiaqty oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Z. Ilimjanova ózin ózi jumyspen qamtyǵandardy rásimdeý boiynsha Jol kartasynyń óńirde júzege asyrylýynan habardar etti. Onyń aitýynsha, qazirgi kezde ózin ózi jumyspen qamtyǵandar qataryndaǵy 401 myń adamnyń 267 myńynyń mártebesi anyqtalǵan, qalǵan 134 myń adam boiynsha jumys jalǵasyp jatyr.
Jiyndy qorytyndylaǵan oblys ákimi Amandyq Batalov:
- Jalpy 2018 jyldyń qorytyndysy boiynsha barlyq salada ósim qamtamasyz etildi. Bul - bárimizdiń birlesken jumysymyzdyń nátijesi. Biylǵy jyly osy damý qarqynyn saqtap qana qoimai, ony barynsha ulǵaita túsýimiz kerek. Investitsiia tartýǵa kóp kúsh-jigerimizdi jumasaýǵa tiispiz. Bul máselemen meniń orynbasarym Serikjan Beskempirov naqty ainalysatyn bolady. Orynbasarym Jeńis Tuiaqovqa Memleket basshysynyń barlyq tapsyrmalary boiynsha ekonomikalyq taldaý jasaýdy tapsyramyn. Birinshi kezekte bizge importalmasýmen ainalysý kerek. Sol siiaqty eksportqa baǵyttalǵan jańa kásiporyndar ashý úshin investorlar tartylýy tiis. Shaǵyn jáne orta biznesti damytýdy kúsheitý kerek. Árbir aýdan, qala ákimderiniń jumysy osy kórsetkishpen de baǵalanatynyn umytpańyzdar. Aýyl sharýashylyǵy da – basty nazardaǵy sala. Irrigatsiialyq júielerdi qalpyna keltirýdi bastadyq, biraq bul iste de salmaqty nátije bolýy kerek. Biylǵy jyly keminde 30 myń ga sýarmaly jerdi ainalymǵa engizýdi mindetteimin. Et eksportynyń kólemin ulǵatý kerek, Almaty oblysy úshin 1000 tonna degen óte az, odan da kóp kólemde shyǵarýǵa múmkindigimiz bar, biraq aldymen osy baǵyttaǵy jumysty zerdelep, taldap alýǵa tiispiz. Almaty óńirindegi kóterme-bólshek saýda ortalyqtaryn qurý erekshe nazarymyzda. Oblystaǵy densaýlyq saqtaý salasyn tsifrlandyrýdy da úzdiksiz júrgizý kerek, ol úshin meditsinalyq qural-jabdyqtar alýdy jalǵastyratyn bolamyz. Úsh aýysymdy mektepter máselesin sheshýdi de jedeldetý kerek. Taǵy bir másele – qoǵamdyq qaýipsizdik. Ótken jyly qylmysty ashý kórsetkishi tómendep ketti. Bul qajetti qoldaýlar kórsetilip jatqanynan qaramastan ishki ister organdarynyń nashar jumys istegenin aiǵaqtap otyr. Biylǵy jyly jumysty barlyq baǵyt boiynsha qýzaityn bolyńdar, - dedi A. Batalov.
Sondai-aq, oblys basshysy: "Prezident aldymyzǵa naqty mindetter qoidy, sol baǵyttarda bilek túre iske kirisýimiz kerek, bastysy – halyqtyń baǵasy. Memleket basshysy belgilep bergen 5 negizgi basymdyqty negizge ala otyryp, barlyǵyńnan tek sapaly, tiimdi jumys talap etemin", - dep sózin túiindedi.
