Qazaqstan Prezidenti Qasym-Jomart Toqaev reseilik jýrnalist Aleksei Pivovarovtyń "Prezident 2.0" derekti filminde alǵash ret ózi jáne otbasy týraly aitty, dep habarlaidy "Ult aqparat".
"Alǵashqy kúnderi jańa laýazymǵa úirenisip ketý qiyndaý boldy. Ásirese, kópshilik jinalǵan is-sharalarda úirenshikti bolǵan joq. "Prezident, prezident" degendi estigende, Nursultan Ábishuly Nazarbaev kelip qalǵan shyǵar dep oilaitynmyn. Bilesiz be, biraq bárine ýaqyt qajet. Adam jaqsyǵa tez úirenedi ǵoi. Árine, men prezidenttiń mindeti aýyr júk ekenin túsinem. Qalai degenmen de, bútin memlekettiń, onyń halqynyń qaýipsizdigi men turmys-tirshiligine jaýap berý qajet. Jasyratyn nesi bar, sonda da prezidenttik mindet qurmetke ie", - dedi Toqaev suqbat barysynda.
Memleket basshysy óziniń bul qyzmetke kelýin bilik tranziti retinde baǵalaitynyn aitady.
«Bizdiń jaǵdaida bul - qazir eldiń bári aityp júrgendei bilik tranziti rejiminde boldy» - deidi Q.Toqaev.
Derekti filmde Prezident otbasynyń taǵdyryna XX jáne XXI ǵasyrdaǵy Qazaqstan tarihynyń qaraly betteri áser etkenin aitady.
Memleket basshysy Qazaqstannyń Resei, Qytai syndy eldermen bailanysy týraly da pikir bildiredi. Ózi kezdesken álemdik saiasatkerlerge baǵa beredi.
Suhbattan kórermen Qasym-Jomart Toqaevtyń ózin maqtaǵan adamdar týraly ne oilaitynyn, dinge degen kózqarasyn jáne qandai kitap oqitynyn bile alady.
