قازاقستان پرەزيدەنتٸ قاسىم-جومارت توقاەۆ رەسەيلٸك جۋرناليست الەكسەي پيۆوۆاروۆتىڭ "پرەزيدەنت 2.0" دەرەكتٸ فيلمٸندە العاش رەت ٶزٸ جەنە وتباسى تۋرالى ايتتى, دەپ حابارلايدى "ۇلت اقپارات".
"العاشقى كٷندەرٸ جاڭا لاۋازىمعا ٷيرەنٸسٸپ كەتۋ قيىنداۋ بولدى. ەسٸرەسە, كٶپشٸلٸك جينالعان ٸس-شارالاردا ٷيرەنشٸكتٸ بولعان جوق. "پرەزيدەنت, پرەزيدەنت" دەگەندٸ ەستٸگەندە, نۇرسۇلتان ەبٸشۇلى نازارباەۆ كەلٸپ قالعان شىعار دەپ ويلايتىنمىن. بٸلەسٸز بە, بٸراق بەرٸنە ۋاقىت قاجەت. ادام جاقسىعا تەز ٷيرەنەدٸ عوي. ەرينە, مەن پرەزيدەنتتٸڭ مٸندەتٸ اۋىر جٷك ەكەنٸن تٷسٸنەم. قالاي دەگەنمەن دە, بٷتٸن مەملەكەتتٸڭ, ونىڭ حالقىنىڭ قاۋٸپسٸزدٸگٸ مەن تۇرمىس-تٸرشٸلٸگٸنە جاۋاپ بەرۋ قاجەت. جاسىراتىن نەسٸ بار, سوندا دا پرەزيدەنتتٸك مٸندەت قۇرمەتكە يە", - دەدٸ توقاەۆ سۇقبات بارىسىندا.
مەملەكەت باسشىسى ٶزٸنٸڭ بۇل قىزمەتكە كەلۋٸن بيلٸك ترانزيتٸ رەتٸندە باعالايتىنىن ايتادى.
«بٸزدٸڭ جاعدايدا بۇل - قازٸر ەلدٸڭ بەرٸ ايتىپ جٷرگەندەي بيلٸك ترانزيتٸ رەجيمٸندە بولدى» - دەيدٸ ق.توقاەۆ.
دەرەكتٸ فيلمدە پرەزيدەنت وتباسىنىڭ تاعدىرىنا XX جەنە XXI عاسىرداعى قازاقستان تاريحىنىڭ قارالى بەتتەرٸ ەسەر ەتكەنٸن ايتادى.
مەملەكەت باسشىسى قازاقستاننىڭ رەسەي, قىتاي سىندى ەلدەرمەن بايلانىسى تۋرالى دا پٸكٸر بٸلدٸرەدٸ. ٶزٸ كەزدەسكەن ەلەمدٸك ساياساتكەرلەرگە باعا بەرەدٸ.
سۇحباتتان كٶرەرمەن قاسىم-جومارت توقاەۆتىڭ ٶزٸن ماقتاعان ادامدار تۋرالى نە ويلايتىنىن, دٸنگە دەگەن كٶزقاراسىن جەنە قانداي كٸتاپ وقيتىنىن بٸلە الادى.
