Qazaqstanda eski avtokólikter sany 8% azaidy. Bul týraly QR Indýstriia jáne infraqurylymdyq damý ministrliginen málim etti, dep habarlaidy "Ult aqparat".
Qazaqstanda 870 318 jeńil avtokólik bar. Onyń 64,5% - shyǵarylǵanyna 10 jyldan asqan. 2015 jyly olardyń úlesi 72,5% edi. Sodan beri bul kórsetkishti tómendetý úshin elimizde qaita óńdeýge tólem engizý jáne jeńildetilgen avtonesie túrinde memlekettik yntalandyrý sharalary qoldanyldy. Nátijesinde eski kólikter sany 8% azaidy.
10 jyldan asqan avtokólikter Almaty oblysynda eń kóp tirkelgen (barlyq eski avtokólikterdiń 15,5% nemese 385 720 birlik). Eń azy – Atyraý oblysynda (1,5% nemese 36 945 birlik).
Shyǵarylǵanyna 3 jyldan aspaǵan jańa avtokólikter Nur-Sultan (barlyq jańa avtokólikterdiń sanynan 13,7% nemese 63 266 birlik) jáne Almaty (16,9% nemese 78 079 birlik) qalalarynda eń kóp tirkelgen.
Jańa avtokólikter Jambyl (1,8% nemese 8 111 birlik) jáne Túrkistan oblystarynda (1,9% nemese 8 877 birlik) az.
