Búgin QR Premer-Ministri Baqytjan Saǵyntaevtyń tóraǵalyǵymen ótken Úkimet otyrysynda QR ulttyq ekonomika ministri Timýr Súleimenov «QR-daǵy kedendik retteý týraly» Kodeks jobasymen tanystyrdy. Bul týraly QR Premer-ministriniń baspasóz qyzmeti habarlady.
«Sońǵy úsh jyl ishinde Eýraziialyq ekonomikalyq komissiia alańynda EAEO-nyń jańa Kedendik kodeksin qalyptastyrý boiynsha kólemdi jumystar júrgizilgen, ol qazir ratifikatsiialaý rásiminen ótkizilip jatyr», - dedi T. Súleimenov.
Jańa odaqtyq kodeks aitarlyqtai qaita óńdeldi, kedendik retteýdiń negizgi tásilderi qaita qaraldy. Osyǵan orai qoldanystaǵy ulttyq kedendik zańnamany jańa kedendik erejelerge sáikestendirý máselesi kóterildi. Segiz ailyq jumystyń qorytyndysy – Keden kodeksiniń jańa jobasy boldy.
Jańa Keden kodeksiniń qoldanystaǵy keden zańnamasynan basty aiyrmashylyǵy – kedendik retteýdiń jańa tásili. Jańa retteýdiń negizgi qaǵidasy – kedende biznes úderisterdi avtomattandyrý.
Aqparattyq tehnologiialarǵa basymdyq berýden ózge, Kodekste syrtqy ekonomikalyq qyzmet qatysýshylary úshin ózderiniń shyǵyndaryn ońtailandyrýǵa jol ashatyn birqatar múmkindikter paida boldy.
Investorlarǵa kedendik deklaratsiiany tapsyrǵanǵa deiin taýarlardy shyǵarý múmkindikteri keńeitildi. Investitsiialyq jobalardy iske asyrý aiasynda investorlar kelesi aidyń 10-y kúninen keshiktirmei, deklaratsiiany tapsyrý týraly ótinish negizinde taýarlardy ózderimen alyp kete alady. Sondai-aq, endigi atalǵan normaǵa erkin qoima, erkin kedendik aimaq, qaita óńdeýdiń kedendik rásimderi de baǵynady.
Budan ózge, QR Keden kodeksiniń birqatar erejesi QR Salyq kodeksiniń protsesterimen úilestirilgen. Bul keden bajyn, salyqtardy esepke alý, esepteý (qaitarý) boiynsha erejelerge, sonymen qatar bereshekti óndirip alý jáne buzýshylyqtardy joiý men tekseris nátijeleri týraly habarlamalarǵa shaǵym túsirý erejelerine qatysty.
Jańa Kodekspen bir ýaqytta oǵan ilespeli zań jobasy ázirlendi, ol birqatar Kodekster men zańdarǵa ózgerister engizýdi qarastyrady.
Budan ózge, taýarlardy joiýdyń kedendik rásimine ornalastyrǵan jaǵdaida memlekettik ekologiialyq saraptamany berý turǵysynan QR Ekologiialyq kodeksine ózgerister engizilip jatyr. Biýdjettik kodekske avanstyq tólemder normalaryn retteý turǵysynan túzetýler engizilýde. Sonymen qatar kólik baqylaý fýnktsiialaryn ótkizý jáne t. b. turǵysynan keibir zańdarǵa túzetýler engizilip jatyr.
«Osylaisha, jańa Keden kodeksi Qazaqstanǵa tranzittik jáne eksporttyq áleýetti paidalanýǵa múmkindik beretinin, syrtqy ekonomikalyq qyzmetti júrgizýdi jeńildetetinin senimdi túrde aitýǵa bolady», - dedi T. Súleimenov.
QR Premer-Ministri Baqytjan Saǵyntaev memlekettik organdarǵa otyrys barysynda aitylǵan barlyq eskertýlerdi pysyqtap, qajetti ózgerister engizý týraly tapsyrma berdi.
