Konstitýtsiialyq reforma – Táýelsizdik tarihyndaǵy jańa beles. Bul týraly AMANAT partiiasynyń sezinde Prezident Qasym-Jomart Toqaev málim etti, dep habarlaidy QazAqparat.
«Men juma kúni Konstitýtsiiaǵa ózgeris engizý máselesimen ainalysyp jatqan jumys tobynyń múshelerimen kezdestim. Bul top qysqa merzim ishinde kóp is tyndyrdy. Zańger ǵalymdar Ata zań baptarynyń úshten birine engiziletin ózgeristerdiń jobasyn ázirledi. Osylaisha, biz óte jaýapty ári airyqsha mańyzdy kezeńge qadam bastyq. Shyn máninde, konstitýtsiialyq reforma – Táýelsizdik tarihyndaǵy jańa beles. Munyń bári ýaqyt talabynan jáne qoǵam suranysynan týyndap otyr. Biz Jańa Qazaqstandy qurý úshin batyl ózgerister jasaýymyz kerek», - dedi Qasym-Jomart Toqaev.
Osy oraida Prezident bul ózgeristi árkim ózinen bastaýy qajet ekenin qadap aitty.
«Eń bastysy, ony naqty ispen kórsete bilýge tiis», - dedi Memleket basshysy.
Budan buryn habarlanǵandai, búginnen bastap Prezidenttiń AMANAT partiiasynyń tóraǵasy retindegi ókilettigi toqtady.
Qasym-Jomart Toqaev AMANAT partiiasynyń tóraǵalyǵyna Erlan Qoshanovty usyndy.
