Pavlodar oblysy bas sanitar dárigeriniń jańa qaýlysy boiynsha ǵimarattardy korporativtik shara ótkizý úshin jalǵa alýǵa tyiym salyndy, dep habarlaidy QazAqparat.
«Jabyq ǵimarattar men ashyq oryndarda banket, úilený toiy men mereitoilar, mitingter, sherýler, kórmeler men konferentsiialar ótkizýge, jeke úi jailar men qurylymdardy buqaralyq korporativtik sharalardy ótkizý úshin jalǵa alýǵa tyiym salynsyn», - delingen jańa qaýlyda.
Sondai-aq, qaýly boiynsha, karaoke, kalian, býkmekerlik keńse, biliard, oiyn jáne kopiýterlik klýbtardyń, túngi klýbtar men boýling ortalyqtarynyń qyzmetine tyiym salyndy.
Qaýly qol qoiylǵannan bastap kúshine enedi. Qujatty myna silteme boiynsha kórýge bolady.
Buǵan deiin habarlaǵanymyzdai, Pavlodarda vaktsina almaǵan kásiporyn jumysshylary jumystan shettetiledi.
«Ónerkásip kásiporyndarynyń COVID-19-ǵa qarsy vaktsina almaǵan jumyskerlerin kúndizgi rejimde jumysqa jiberý shektelsin. Bul rette uiymdaryń ekpe almaǵan qyzmetkerlerine 7 kúnde bir ret PTR-testi tapsyrýǵa mindettelsin», - dep jazylǵan qaýly mátininde
