پاۆلودار وبلىسى باس سانيتار دەرٸگەرٸنٸڭ جاڭا قاۋلىسى بويىنشا عيماراتتاردى كورپوراتيۆتٸك شارا ٶتكٸزۋ ٷشٸن جالعا الۋعا تىيىم سالىندى, دەپ حابارلايدى قازاقپارات.
«جابىق عيماراتتار مەن اشىق ورىنداردا بانكەت, ٷيلەنۋ تويى مەن مەرەيتويلار, ميتينگتەر, شەرۋلەر, كٶرمەلەر مەن كونفەرەنتسييالار ٶتكٸزۋگە, جەكە ٷي جايلار مەن قۇرىلىمداردى بۇقارالىق كورپوراتيۆتٸك شارالاردى ٶتكٸزۋ ٷشٸن جالعا الۋعا تىيىم سالىنسىن», - دەلٸنگەن جاڭا قاۋلىدا.
سونداي-اق, قاۋلى بويىنشا, كاراوكە, كاليان, بۋكمەكەرلٸك كەڭسە, بيليارد, ويىن جەنە كوپيۋتەرلٸك كلۋبتاردىڭ, تٷنگٸ كلۋبتار مەن بوۋلينگ ورتالىقتارىنىڭ قىزمەتٸنە تىيىم سالىندى.
قاۋلى قول قويىلعاننان باستاپ كٷشٸنە ەنەدٸ. قۇجاتتى مىنا سٸلتەمە بويىنشا كٶرۋگە بولادى.
بۇعان دەيٸن حابارلاعانىمىزداي, پاۆلوداردا ۆاكتسينا الماعان كەسٸپورىن جۇمىسشىلارى جۇمىستان شەتتەتٸلەدٸ.
«ٶنەركەسٸپ كەسٸپورىندارىنىڭ COVID-19-عا قارسى ۆاكتسينا الماعان جۇمىسكەرلەرٸن كٷندٸزگٸ رەجيمدە جۇمىسقا جٸبەرۋ شەكتەلسٸن. بۇل رەتتە ۇيىمدارىڭ ەكپە الماعان قىزمەتكەرلەرٸنە 7 كٷندە بٸر رەت پتر-تەستٸ تاپسىرۋعا مٸندەتتەلسٸن», - دەپ جازىلعان قاۋلى مەتٸنٸندە
