Bas memlekettik sanitar dárigerdiń qaýlysymen 6 birdei memlekettiń vaktsinalaý pasporty Qazaqstan aýmaǵynda jaramdy bolyp tanyldy, dep habarlaidy QazAqparat.
«Qujattardyń úlgilerine sáikes Majarstan, Tailand, Mońǵoliia, Grýziia, Qyrǵyz Respýblikasy jáne Moldova Respýblikasy azamattarynyń vaktsinatsiia (pasporttary, sertifikattary, anyqtamalary) Qazaqstan Respýblikasynyń aýmaǵynda jaramdy dep tanylsyn», - dep jazylǵan qujatta.
Týrizm indýstriiasy komitetiniń tóraǵasy Dastan Ryspekovtiń aitýynsha, qazirgi tańda Qazaqstannyń vaktsina pasporty úsh elge týrist retinde kirýge jaramdy.
«Jalpy qazir kóptegen elder PTR-testpen qatar vaktsinatsiia pasportymen de týristerdi qabyldaidy. Bizdiń Densaýlyq saqtaý ministrligi qazirgi kezde basqa elderdiń úkimetimen tiisti kelissóz júrgizip jatyr. Mysaly, búginde Mońǵoliia, Tailand jáne Majarstan týristerdi bizdiń vaktsinatsiia pasportymen kirgize beredi. Osyndai elderdiń sanyn kóbeitý úshin jumys júrgizilip jatyr», - degen bolatyn Dastan Ryspekov.
