Nur-Sultan qalasynyń bas sanitar dárigeriniń jańa qaýlysy boiynsha jańa oqý jylyndaǵy bilim berý tártibi belgilendi, dep habarlaidy QazAqparat.
«QR Bas sanitar dárigeriniń № 36 qaýlysy boiynsha 2021-2022 oqý jylynda barlyq menshik nysanyndaǵy jáne vedomstvolyq baǵynystaǵy bilim berý uiymdarynda mynadai sharttardyń saqtalýymen shtattyq formatta oqytýǵa ruqsat etilsin», - dep jazylǵan qujat mátininde.
Ol úshin:
- pedagogter men personaldyń 100% vaktsinalanýy;
- pedagogterdi, personaldy, ata-analardy (zańdy ókilderdi), 18 jáne odan joǵary jastaǵy bilim alatyn kelýshilerdi uiymǵa kirý kezinde «Ashyq» qosymshasy arqyly (QR-kod (check-in) tirkeý;
- maska rejimin saqtaý;
- retsirkýliatorlardyń, sanitaizerlerdiń, teri antiseptikteriniń, dezinfektsiialaý jáne jýý quraldarynyń jetkilikti sanymen qamtamasyz etý;
- úi-jailardy jinaý jáne dezinfektsiialaý jiiligin arttyrý;
- úi-jailardy ylǵaldy jinaý jáne dezinfektsiialaý, úi-jailardyń aýasyn jeldetý jáne zararsyzdandyrý rejimine qoiylatyn talaptardy saqtaý;
- pedagogterdiń, personaldyń jáne bilim alýshylardyń kúndelikti «kirý» súzgisin qoldanýy;
- mádeni, tárbie, synyptan tys sharalar men ata-analar jinalystaryn oflain ótkizýge tyiym salý;
- mektepke deiingi jáne orta bilim berý uiymdarynda toptar men synyptardy biriktire otyryp is-sharalar ótkizýge tyiym salý;
- zerthanalyq, praktikalyq sabaqtardy qospaǵanda, kabinettik oqytý júiesin boldyrmaý;
- bastaýysh, orta jáne joǵary synyp oqýshylaryn bólek ustaý;
- ashanadaǵy aýa retsirkýliatorlarynyń qondyrǵylaryn qamtamasyz ete otyryp, tamaqtanýdy uiymdastyrý;
- bógde adamdardyń kirýine tyiym sala otyryp, COVID-19-ǵa qarsy vaktsina alǵan stýdentterdi jataqhanaǵa ornalastyrý;
- oqý orny boiynsha aýmaqtyq meditsinalyq uiymdardyń egý pýnktterinde COVID-19-ǵa qarsy vaktsinalaýdyń tolyq kýrsyn aiaqtamaǵan stýdentterge vaktsinatsiia júrgizý;
- sheteldik stýdentterde turǵylyqty eldiń ýákiletti organymen rastalǵan COVID-19-ǵa qarsy vaktsinatsiialaýdyń tolyq kýrsy bolýy;
- QR Memlekettik shekarasynan ótkennen keiin 3 táýlikten keshiktirmei PTR ádisimen alynǵan COVID-19-ǵa testileýdiń teris nátijesi bar bolǵan jaǵdaida kúndizgi oqý formatyna jiberý;
- meditsinalyq kolledjder men joǵary oqý oryndarynyń bilim alýshylaryna klinikalyq bazalarǵa, rezidentýra bazalaryna, densaýlyq saqtaý salasyndaǵy bilim berý uiymdarynyń klinikalaryna, ýniversitet aýrýhanasyna, integratsiialanǵan akademiialyq meditsinalyq ortalyqqa vaktsinatsiialaý pasportymen rastalǵan COVID-19-ǵa qarsy vaktsinatsiialaýdyń tolyq kýrsy bar bolǵan kezde kirýine ruqsat etý;
- pedagogterge, personalǵa, ata-analarǵa (zańdy ókilderge), kelýshilerge, stýdentterge mektepke deiingi jáne orta bilim berý uiymdaryna, kolledjderge, internattar men jataqhanalardy, ashanalar men býfetterdi qosa alǵanda joǵary oqý oryndaryna Ashyq qosymshasy arqyly kirý kerek.
«Karantin engizýge saralanǵan tásil aiasynda synypta (topta) COVID-19 aýrýynyń 1 jaǵdaiy tirkelgen kezde-synyp (top) 14 kún ishinde úi karantinine oqshaýlaýǵa jatady. Kolledjderde, joǵary oqý oryndarynda toptyń 30%-dan astamynda COVID-19 tirkelgen kezde aǵyn 14 kún ishinde úi karantinine oqshaýlanýǵa jatady, - dep jazylǵan qaýlyda.
Sondai-aq, mektepke deiingi uiymdardyń jumys kestesi menshik nysanyna qaramastan, karantindik sharalardy qatań saqtai otyryp, jumys kúnderi saǵat 07:30-dan 18:30-ǵa deiin dep belgilendi. Al balalardy damytý ortalyqtarynyń, balalar men eresekterge arnalǵan úiirmelerdiń, bilim berý ortalyqtarynyń jumys kestesi sanitariialyq-profilaktikalyq is-sharalardy saqtaý aryly jumys jáne demalys kúnderi saǵat 09:00-den 18:00-ge deiin bolyp belgilendi.
Balalar men eresekterge arnalǵan túzetý kabinetteriniń jumysy aldyn ala jazylý boiynsha, 15 adamnan artyq emes, kúsheitilgen sanitariialyq-epidemiiaǵa qarsy, sanitariialyq-profilaktikalyq is-sharalardy saqtai otyryp, jumys jáne demalys kúnderi saǵat 09:00-den 18:00-ge uiymdastyraltyn boldy.
