Aqmola oblysynda karantindik shekteý sharalaryn odan ári qatańdatý týraly jańa qaýly jariialandy, dep habarlaidy "Ult aqparat".
Jańa qujatta qoǵamdyq tamaqtaný oryndarynda, úide jáne ashyq aýada banket, mereitoi, úilený toi, as berý sekildi kópshilik jinalatyn is-sharalardy ótkizýge tyiym salynǵan.
Saiabaqtarǵa, alańdarǵa jáne ózge de demalys oryndarynda bir topta 3 adamnan artyq bolmaýy qajet, bul rette bir otbasy múshelerine birge júrýge ruqsat berilgen.
Qaýlyǵa sáikes qyzmeti ýaqytsha toqtatylatyn nysandar:
Oblysaralyq, oblysishilik, turaqty jáne turaqty emes (týristik) tasymal qozǵalysy, avtobýstar qyzmeti;
Jabyq jaǵajai jáne akvark qyzmeti;
«Ashyq» jobasyna qatysatyn nysandardy qospaǵanda, balalar oiyn-saýyq ortalyqtary, jabyq ǵimarattaǵy oiyn alańdary, batýttar, attraktsiondar;
Saiabaq pen alańdardaǵy barlyq attraktsion men balalarǵa arnalǵan elektr mashinalaryn jalǵa berý qyzmeti;
Biliard, boýling, karaoke, kompiýterlik klýbtar jáne banket zaldary;
Mádeni nysandar, kinoteatrlar, teatrlar, kontsert zaldary, filarmoniia;
Kórermenderdiń qatysýymen ótetin sporttyq is-sharalar.
