Shymkentte Jastar jyly aiasynda qalamynan jyr tógilgen jas aqyndardyń «Jańa ǵasyr áýenderi» atty jinaǵynyń tusaý keser rásimi ótti. Jinaqtyń tusaýyn Erlan Aitahanov saltanatty túrde ashyp, belgili aitysker aqyn Aqmaral Leýbaeva jastarǵa óziniń arnaýyn aitty, dep habarlaidy "Ult aqparat".
Jańa týyndyda qaladaǵy 12 jas aqynnyń qoǵam, rýhani jańǵyrý, tanym, súiispenshilik, patriotizm jáne taǵy basqa taqyryptaǵy óleńderi basylǵan. Jinaq tulǵany jan-jaqty damytyp, rýhani qalyptastyrýǵa baǵyttalǵan. Qala ákimi osy týyndyǵa óleńderi shyqqan shyǵarmashyl jastarǵa shyǵarma arqyly qoǵamda Uly qundylyqtar qalyptastyryp, órkendetý jolyndaǵy qyzmetterine tabys tiledi. Qashan da qoǵamnyń eń ótkir de ózekti máseleleri men ishki bolmysty óleńmen jetkizip, qazaq poeziiasyn odan ári damytýǵa úles qosýlaryna tilek bildirdi.
«Bul jinaq oqyrmandardyń qyzyǵýshylyǵyn týdyryp, bolashaǵyn qalyptastyrýǵa zor múmkindik beretinine senimdimin», - dedi qala ákimi Erlan Aitahanov.
Saltanatty sharada «Sham» jas aqyndar klýbynyń músheleri avtorlyq óleńderin oqydy. Sondai-aq, shara sońynda jergilikti aqyndar jyr tógip, jańa áýender áýeledi.
