Memleket basshysynyń buiryǵymen Madina Ábilqasymova QR-nyń eńbek jáne halyqty áleýmettik qorǵaý ministri bolyp taǵaiyndaldy, dep habarlaidy "Ult aqparat".
Mádina Ábilqasymova 1978 jyly Almaty qalasynda dúniege kelgen.
1999 jyly Qazaq memlekettik basqarý akademiiasyn «halyqaralyq ekonomikalyq qatynastar» mamandyǵy boiynsha bitirgen. 2002 jyly Kolýmbiia ýniversitetin halyqaralyq qatynastar magistri dárejesimen «ekonomikalyq saiasatty basqarý» mamandyǵy boiynsha támamdaǵan. 2011 jyly Garvard ýniversitetiniń Kennedi atyndaǵy Memlekettik basqarý mektebin «memlekettik basqarý magistri» mamandyǵy boiynsha aiaqtaǵan.
Túrli jyldary Strategiialyq josparlaý agenttiginiń bas mamany, Ekonomika jáne biýdjettik josparlaý ministrliginiń strategiialyq josparlaý basqarmasynyń basshysy, «Marketingtik-taldamalyq zertteýler ortalyǵy» AQ memlekettik saiasatty taldaý departamentiniń direktory bolyp eńbek etken.
2006 – 2008 jyldary M. Ábilqasymova QR Premer-Ministri Keńsesiniń Áleýmettik-ekonomikalyq bólim meńgerýshisiniń orynbasary bolǵan, odan keiin QR Prezidenti Ákimshiliginiń Strategiialyq ázirlemeler jáne taldaý ortalyǵy meńgerýshisiniń orynbasary bolyp taǵaiyndalǵan.
2011 jylǵy qyrkúiekten 2013 jylǵy aqpanǵa deiin QR ekonomikalyq damý jáne saýda vitse-ministri laýazymyn atqarǵan.
2012 jyldan bastap — Dúniejúzilik banktiń Qazaqstandaǵy basqarýshysynyń orynbasary.
2013 – 2014 jj. — QR ekonomika jáne biýdjettik josparlaý vitse-ministri.
2014 jyldyń tamyz aiynan bastap qazirgi tańǵa deiin QR ulttyq ekonomika vitse-ministri qyzmetin atqarǵan.
