Qazaqstanda tsifrlyq teńge paida bolýy múmkin, onyń jumys isteýin Ulttyq bank qamtamasyz etedi, - dep habarlaidy «Ult aqparat».
"Tsifrlyq teńge – bul emissiiasyn Ulttyq Bank júzege asyratyn Qazaqstandaǵy aqshanyń jańa nysany. Tsifrlyq teńge qolma-qol aqshany nemese qolma-qol aqshasyz aqshany aýystyrýǵa arnalmaǵan, ol qatar paidalanylatyn bolady", - dep kórsetiledi banktiń baiandamasynda.
Tsifrlyq teńgeni engizý ulttyq tólem júiesiniń odan ári damýyn qamtamasyz etýge jáne UB derekteri boiynsha qolma-qol aqshamen eseptesýlerge birqatar biregei tehnologiialyq sipattamalarǵa táýeldilikti azaitýǵa múmkindik beredi.
"Tsifrlyq teńge zańdy tólem quraly, qun ólshemi jáne jinaq quraly bolyp tabylady. Platformany iske asyrý úshin qarjy naryǵynyń qatysýshylary tólem servisterin kórsetetin, al Ulttyq bank infraqurylymdy qamtamasyz etetin eki deńgeili sáýlet boljanady", - dep habarlady UB saitynda.
Qazir bank olardy shyǵarý jáne taratý tásilin, paidalanylatyn tehnologiiany, aqsha-kredit saiasatyna, qarjylyq turaqtylyqqa jáne tólem qyzmetteri naryǵyna áserin aiqyndai otyryp, tsifrlyq valiýtalardyń artyqshylyqtary men táýekelderine zertteý júrgizýde.
Ulttyq bank bul jumysty qarjy naryǵynyń qatysýshylarymen, sarapshylar qaýymdastyǵymen jáne halyqaralyq seriktestermen birlesip júrgizedi, delingen banktiń saitynda.
Sondai-aq, tsifrlyq teńgeniń áserin baǵalaý boiynsha zertteýler seriiasyn jáne onyń erekshelikterin talqylaý úshin naryqqa qatysýshylarmen jáne halyqaralyq áriptestermen birneshe sessiia ótkizý josparlanýda.
2020 jyly Qazaqstan prezidentiniń keńesshisi, qazirgi tsifrlyq damý ministri Baǵdat Mýsin BAQ-qa bergen suhbatynda álemde ondaǵan memleket tsifrlyq ulttyq valiýtalarmen tájiribe jasap jatqanyn atap ótti.
"Eger qazir tsifrlyq teńge ázirleýmen jáne engizýmen ainalyssaq, alda bolamyz. Sonymen qatar búgin kún tártibinde taǵy da ekonomikalyq daǵdarys máselesi tur, jáne biz memlekettik biýdjetti igerýdiń jáne árbir teńgeni tiimdi paidalanýdyń ashyqtyǵyn qamtamasyz etý úshin jańa býyn tehnologiialaryn paidalana bastaýymyz kerek", - dep atap ótti Mýsin.
Aita keteiik, Qazaqstanda 2022 jyldan bastap áleýmettik tólem alatyn azamattar úshin "áleýmettik ámiian" engizý josparlanýda. Bul týraly Ulttyq bank basshysy Erbolat Dosaev habarlaǵan edi.
"Memleket basshysynyń tapsyrmasy boiynsha 2022 jyldan bastap Ulttyq taýar ótkizý júiesimen odan ári yqpaldastyra otyryp, "áleýmettik ámiiandy" engizý josparlanýda", - dedi Dosaev.
Aita keteiik, ótken jyldyń qyrkúiek aiynda Qazaqstan prezidenti Qasym-Jomart Toqaev áleýmettik tólemderdi tsifrlandyrý boiynsha sharalar qabyldaýdy tapsyrǵan bolatyn. Ol úshin ol azamattyń tsifrlyq "áleýmettik ámiianyn" engizýdi, sondai-aq tiisti taýar ótkizý júiesin qurýdy tapsyrdy.
Eńbek jáne halyqty áleýmettik qorǵaý ministrligi buǵan deiin áleýmettik tólemder alǵysy keletin qazaqstandyqtar shot ashý úshin bankke barýy kerek dep aitqan bolatyn. Jańa júie JSN negizinde "áleýmettik ámiiandy" avtomatty túrde ashýǵa múmkindik beredi.
Esterińizge sala keteiik, Qazaqstanda tsifrlyq teńge paida bolýy múmkin, onyń jumys isteýin Ulttyq bank qamtamasyz etedi. Atalǵan banktyń habarlaýynsha, tsifrlyq teńge – bul emissiiasyn Ulttyq Bank júzege asyratyn Qazaqstandaǵy aqshanyń jańa nysany. Tsifrlyq teńge qolma-qol aqshany nemese qolma-qol aqshasyz aqshany aýystyrýǵa arnalmaǵan, ol qatar paidalanylatyn bolady. Tsifrlyq teńgeni engizý ulttyq tólem júiesiniń odan ári damýyn qamtamasyz etýge jáne UB derekteri boiynsha qolma-qol aqshamen eseptesýlerge birqatar biregei tehnologiialyq sipattamalarǵa táýeldilikti azaitýǵa múmkindik beredi.
