Jańa ekologiialyq kodeks aiasynda 10 mln qazaqstandyq gazdyń igiligin kóre alady. Bul týraly QR Prezident Qasym-Jomart Toqaev málim etti, dep habarlaidy QazAqparat.
«Aýqymdy energetikalyq ózgeristerge daiyndalý úshin biz jańa ekologiialyq kodeks qabyldadyq. Ol ozyq álemdik standarttarǵa sáikes keledi. Kásiporyndardy ekologiialyq tólemderden tolyq bosatý esebinen óndiristi jańǵyrtýǵa múmkindik berildi», - dedi Qasym-Jomart Toqaev «Parij kelisiminiń maqsattaryna qol jetkizý joldary jáne Qazaqstannyń kómirtegi beitaraptyǵy» atty halyqaralyq konferentsiiada.
Sondai-aq, Prezident búginge deiin el astanasyn gazǵa jalǵaý jobasy balama qýat kózin tutynatyn azamattardyń sanyn arttyrǵanyn atady.
«Biz parniktik gazdar shyǵaryndylaryna kvotalar saýdasynyń ulttyq júiesin qaita quryp, ony tiisti halyqaralyq júielermen úilestirip jatyrmyz. Gaz kómirge qaraǵanda «jasyl» balama otyn bolyp otyr. Elde aýqymdy gazdandyrý júrgizildi. Búginde bizdiń 10 millionǵa jýyq azamattarymyz senimdi jáne ekologiialyq taza otynǵa qol jetkize alady. Almaty, Nur-Sultan, Qaraǵandy siaiqty iri qalalarda biz jylý elektr stantsiialaryn kómirden gazǵa kóshirý boiynsha aýqymdy jobalardy júzege asyryp jatyrmyz», - dep túiindedi Prezident.
