جاڭا ەكولوگييالىق كودەكس اياسىندا 10 ملن قازاقستاندىق گازدىڭ يگٸلٸگٸن كٶرە الادى. بۇل تۋرالى قر پرەزيدەنت قاسىم-جومارت توقاەۆ مەلٸم ەتتٸ, دەپ حابارلايدى قازاقپارات.
«اۋقىمدى ەنەرگەتيكالىق ٶزگەرٸستەرگە دايىندالۋ ٷشٸن بٸز جاڭا ەكولوگييالىق كودەكس قابىلدادىق. ول وزىق ەلەمدٸك ستاندارتتارعا سەيكەس كەلەدٸ. كەسٸپورىنداردى ەكولوگييالىق تٶلەمدەردەن تولىق بوساتۋ ەسەبٸنەن ٶندٸرٸستٸ جاڭعىرتۋعا مٷمكٸندٸك بەرٸلدٸ», - دەدٸ قاسىم-جومارت توقاەۆ «پاريج كەلٸسٸمٸنٸڭ ماقساتتارىنا قول جەتكٸزۋ جولدارى جەنە قازاقستاننىڭ كٶمٸرتەگٸ بەيتاراپتىعى» اتتى حالىقارالىق كونفەرەنتسييادا.
سونداي-اق, پرەزيدەنت بٷگٸنگە دەيٸن ەل استاناسىن گازعا جالعاۋ جوباسى بالاما قۋات كٶزٸن تۇتىناتىن ازاماتتاردىڭ سانىن ارتتىرعانىن اتادى.
«بٸز پارنيكتٸك گازدار شىعارىندىلارىنا كۆوتالار ساۋداسىنىڭ ۇلتتىق جٷيەسٸن قايتا قۇرىپ, ونى تيٸستٸ حالىقارالىق جٷيەلەرمەن ٷيلەستٸرٸپ جاتىرمىز. گاز كٶمٸرگە قاراعاندا «جاسىل» بالاما وتىن بولىپ وتىر. ەلدە اۋقىمدى گازداندىرۋ جٷرگٸزٸلدٸ. بٷگٸندە بٸزدٸڭ 10 ميلليونعا جۋىق ازاماتتارىمىز سەنٸمدٸ جەنە ەكولوگييالىق تازا وتىنعا قول جەتكٸزە الادى. الماتى, نۇر-سۇلتان, قاراعاندى سيايقتى ٸرٸ قالالاردا بٸز جىلۋ ەلەكتر ستانتسييالارىن كٶمٸردەن گازعا كٶشٸرۋ بويىنشا اۋقىمدى جوبالاردى جٷزەگە اسىرىپ جاتىرمىز», - دەپ تٷيٸندەدٸ پرەزيدەنت.
