Biyl Almatyda «Jańa Almaty» keshendi jospary qala shetindegi máseleni sheshýge ǵana emes, ekonomikalyq jaǵynan ósýge de baǵyttaldy. Bul týraly qala ákimi Baqytjan Saǵyntaev Instagram paraqshasynda jazdy, dep habarlaidy QazAqparat.
Qala ákiminiń málimetinshe, josparǵa sáikes biyl qalada 286 joba júzege asyrylyp jatsa, 73-in aldaǵy ýaqytta jasaý qarastyrylǵan. «Keshendi jospar aiaqtalǵan soń qala turǵyndarynyń negizgi qajettilikteri sheshimin tabady. Iaǵni, ortalyqtandyrylǵan sýmen jabdyqtaý jáne sý burý júiesi, úzdiksiz energiia men gazben tolyq qamtamasyz etiledi», - delingen habarlamada.
Eske salsaq, «Jańa Almaty» jobasy aiasynda Almatynyń Alataý aýdanynda injenerlik jeliler men jańa joldar salynyp jatqanyn jazǵan bolatynbyz. Ol kezde Alataý aýdany ákiminiń orynbasary Ádilet Toqtasynov eger joba sátti júzege asqan jaǵdaida, 2024 jylǵa qarai injenerlik jeliler máselesi tolyǵymen sheshiletinin málimdegen edi.
