Almaty qalasynyń ákimi Baqytjan Saǵyntaev «Jańa Almaty» baǵdarlamasy boiynsha shet aýdandardy damytýǵa 800 milliard teńgege jýyq qarajat qajet ekenin aitty, dep habarlaidy "Ult aqparat".
«Almaty qalasynyń biýdjeti jarty trillionnan astam teńgeni quraidy, onyń kóp bóligi aǵymdaǵy shyǵyndarǵa, qalalyq infraqurylym men áleýmettik baǵdarlamalardy qarjylandyrýǵa jumsalady. 100 milliardtan astam teńge - bul jańa nysandardy qurýǵa nemese qoldanystaǵy nysandardy qaita qurýǵa arnalǵan biýdjet. Biz «Jańa Almaty» baǵdarlamasyn jasadyq, biz ony shetki dep ataimyz: Naýryzbai, Alataý aýdandary. Osy jańa baǵdarlamany júzege asyrý úshin 5 jyl ishinde bizge shamamen 800 milliard teńge qajet», - dedi Baqytjan Saǵyntaev Qazaqstandyq qarjy forýmynda.
Ákimniń aitýynsha, investitsiialar tartý jáne biznesti belsendi damytý ákimdik úshin óte mańyzdy. Bul qala bastamalaryn iske asyrý úshin salyq ósimin qamtamasyz etetin jáne almatylyqtardyń ál-aýqatyn jaqsartýǵa múmkindik beredi. Sondai-aq, óz kezeginde olardy ekonomikanyń damýyna investitsiialai alady.
«Osy oraida, biz qalyptasý kezeńinen ótip, belsendi jumysqa kirisken AHQO-ny paidalanýymyz kerek bul óte mańyzdy», -dep atap ótti forým jumysynda «Astana» halyqaralyq qarjy ortalyǵynyń menedjeri Qairat Kelimbetov.
