الماتى قالاسىنىڭ ەكٸمٸ باقىتجان ساعىنتاەۆ «جاڭا الماتى» باعدارلاماسى بويىنشا شەت اۋدانداردى دامىتۋعا 800 ميلليارد تەڭگەگە جۋىق قاراجات قاجەت ەكەنٸن ايتتى, دەپ حابارلايدى "ۇلت اقپارات".
«الماتى قالاسىنىڭ بيۋدجەتٸ جارتى تريلليوننان استام تەڭگەنٸ قۇرايدى, ونىڭ كٶپ بٶلٸگٸ اعىمداعى شىعىندارعا, قالالىق ينفراقۇرىلىم مەن ەلەۋمەتتٸك باعدارلامالاردى قارجىلاندىرۋعا جۇمسالادى. 100 ميللياردتان استام تەڭگە - بۇل جاڭا نىسانداردى قۇرۋعا نەمەسە قولدانىستاعى نىسانداردى قايتا قۇرۋعا ارنالعان بيۋدجەت. بٸز «جاڭا الماتى» باعدارلاماسىن جاسادىق, بٸز ونى شەتكٸ دەپ اتايمىز: ناۋرىزباي, الاتاۋ اۋداندارى. وسى جاڭا باعدارلامانى جٷزەگە اسىرۋ ٷشٸن 5 جىل ٸشٸندە بٸزگە شامامەن 800 ميلليارد تەڭگە قاجەت», - دەدٸ باقىتجان ساعىنتاەۆ قازاقستاندىق قارجى فورۋمىندا.
ەكٸمنٸڭ ايتۋىنشا, ينۆەستيتسييالار تارتۋ جەنە بيزنەستٸ بەلسەندٸ دامىتۋ ەكٸمدٸك ٷشٸن ٶتە ماڭىزدى. بۇل قالا باستامالارىن ٸسكە اسىرۋ ٷشٸن سالىق ٶسٸمٸن قامتاماسىز ەتەتٸن جەنە الماتىلىقتاردىڭ ەل-اۋقاتىن جاقسارتۋعا مٷمكٸندٸك بەرەدٸ. سونداي-اق, ٶز كەزەگٸندە ولاردى ەكونوميكانىڭ دامۋىنا ينۆەستيتسييالاي الادى.
«وسى ورايدا, بٸز قالىپتاسۋ كەزەڭٸنەن ٶتٸپ, بەلسەندٸ جۇمىسقا كٸرٸسكەن احقو-نى پايدالانۋىمىز كەرەك بۇل ٶتە ماڭىزدى», -دەپ اتاپ ٶتتٸ فورۋم جۇمىسىندا «استانا» حالىقارالىق قارجى ورتالىعىنىڭ مەنەدجەرٸ قايرات كەلٸمبەتوۆ.
