Prezident Nursultan Nazarbaev "Jańa gýmanitarlyq bilim. Qazaq tilindegi jańa oqýlyq" jobasy aiasynda shyqqan alǵashqy oqýlyqtardyń tusaýkeserinde táýelsizdik jyldary qazaq halqy qol jetkizgen úsh mańyzdy jetistikti atady, habarlaidy Sputnik Qazaqstan tilshisi.
"Táýelsizdiktiń arqasynda jiyrma alty jyldyń ishinde jetken jetistigimiz kóp. Degenmen eń basty úsh nárseni aita alamyz. Birinshi, Qazaqstan álem qaýymdastyǵynyń tórinen oryn alǵan el boldy, bul qazaq tarihynda birinshi ret bolǵan másele. Qazaqstandy búginde bilmeitin el de, jer de joq. Úlken eldermen terezesi teń", — dedi Nursultan Nazarbaev.
Ekinshi, memleket basshysynyń aitýynsha, óz elordamyzdy saldyq.
"Qazaq degen halyq tuńǵysh ret óz sanasymen, óz oiymen jer tańdap, óziniń elordasyn ornatty. Barlyq ótken basshylarymyz, handarymyz osyndai qala salýdy armandap ketken. Ol armanǵa jettik", — dedi Elbasy.
"Úshinshi, eshkimniń yqpalynsyz, óz erkimizben táýelsiz el retinde óz álipbiimizdi, jazýymyzdy tańdadyq. Ár eldiń tarihynda mundai másele este qalatyn úlken tarihi oqiǵa bolyp sanalady. Biz ana tilimiz kemeldene tússin dep osyny jasadyq. Álipbidi qazir bekittik, eptep engizýimiz kerek. Men de kúnde jańa álipbimen jazamyn. Abaidyń sózderin jazyp otyramyn. Úirenip ketý onsha qiyn emes. Mektepte álipbidi solai úirendik qoi. Álipbidiń enip ketýi óte tez bolady dep sanaimyn", — dedi prezident.
