Táýelsizdigimizdiń 30 jyldyǵy aiasynda, Jambyl Jabaevtyń 175 jyldyǵyna orai Ankaranyń Kechióren aýdanynda Jambyl kóshesinde onyń atyna eskertkish taqtasynyń ashylý saltanaty ótti, dep habarlaidy Baq.kz saity.
Atalǵan eskertkish taqta Qazaqstannyń Túrkiiadaǵy Elshiliginiń bastamasymen, Halyqaralyq TÚRKSOI Uiymy jáne Kechióren aýdan ákimdiginiń qoldaýymen júzege asyryldy.
Eskertkish taqta Ankara qalasyndaǵy Jambyl Jabaev atyndaǵy kósheniń boiyna, Súiinbai Aronuly eskertkish pen onyń atyndaǵy saiabaqtyń mańaiyna ornalastyryldy.
Saltanatty is sharaǵa Qazaqstannyń Túrkiiadaǵy Elshisi Abzal Saparbekuly, Halyqaralyq TÚRKSOI uiymy bas hatshysy Dúisen Qaseiinov, Kechióren aýdany ákimi Týrgýt Altynok, QR Mádeniet ministrligi, Qazaqstan Jazýshylar Odaǵy basshysy Ulyqbek Esdáýlet, Almaty qalasy jáne oblysy bastaǵan qazaqstandyq delegatsiia ókilderi, Ankaradaǵy diplomatiialyq korpýs, Kechioren turǵyndary, Túrkiiada bilim alyp jatqan qazaq jastary jáne aqparat ókilderi qatysty. Is sharaǵa Jambyl atamyzdyń nemeresi de Is-sharada oryn aldy.
Jiynda sóz sóilegen Elshi Abzal Saparbekuly Táýelsizdigimizdiń 30 jyldyǵy jáne jyr alaby Jambyldyń 175 jyldyǵymen quttyqtady.
Elshi Túrkiianyń tórinde Ankarada Jambyl taqtasynyń ornatylýynda qoldaý kórsetken ár azamatqa alǵysyn bildirdi.
Elshi A.Saparbekuly sózin jalǵastyra kele Táýelsizdik jyldarynda Qazaqstannyń jetistikterine toqtaldy. Sondai-aq, eki baýyrlas el arasyndaǵy mádeni bailanystardyń mańyzdylyǵyn toqtaldy.
Kechióren aýdan ákimi Týrgýt Altynok sóilegen sózinde baýyrlas túrki halyqtarynyń bir biriniń mádenietin, ónerin, ádebietin taný mańyzdy ekendigin tilge tiek etti. Osy oraida qazaq mádenietin túrik elinde tanystyrý úshin árdaiym qoldaý kórsetetindigin bildirdi.
Qazaqstan Jazýshylar odaǵynyń basshysy Ulyqbek Esdáýlet sóilegen sózinde túrki halyqtarynyń tarihi, mádeni bailanystarynyń tarihi tamyry tereń ekendigin atap ótti. Búgingi sharanyń túrki halyqtarynyń arasynda bailanystardy nyǵaitý maqsatynda erekshe mańyzǵa ie ekendigin aitty.
Halyqaralyq TÚRKSOI uiymynyń basshysy Dúisen Qaseiinov Jambyldyń qazaq mádenietindegi róli týraly baiandady. Sonymen qatar, Dúisen Qorabaiuly Jambyldyń 175 jyldyǵyn toilaý aiasynda birneshe shara uiymdastyralytyndyǵyn atap ótti.
Kechióren aýdanynyń Jambyl kóshesinde ornatylǵan eskertkish taqtasynda oryn alǵan QR kod arqyly Ankaralyqtar jyr alybynyń ómirbaianyn oqyp, qysqa beine rolikti kóre alady.
Sharaǵa Qazaqstannan arnaiy kelgen delegatsiia músheleri, Elshi Abzal Saparbekuly, Bas hatshy Dúisen Qaseiinov, Kechióren aýdan ákimi Týrgýt Altynok Jambylbyń ustazy Súiinbai Aronulynyń eskertkishine gúl shoǵyn qoiyp, rýhyna taǵzym etti.
Saltanatty is shara Jambyldyń kúileri, qazaq halyq ánderi oryndaldy jáne aitys qoiylymy kelgen qonaqtarǵa usynyldy.
Jambyl 175 jyldyǵynyń atalýy Halyqaralyq Jambyl álemi konferentsiiasy men jáne túrik tiline aýdarylǵan Jambyl kitabynyń tusaýkeserimen jalǵasatyn bolady.
