Jambyl oblysynyń turǵyndary politsiiaǵa 115 atys qarýy jáne 1 granata tapsyrdy, - dep habarlaidy "Ult aqparat".
Aǵymdaǵy jyldyń 20 sáýirinen bastap Jambyl oblysynda halyqtan zańsyz saqtalǵan qarý-jaraqty satyp alý boiynsha dástúrli respýblikalyq aktsiia ótip jatyr. Bul aktsiiany ótkizýge 10 million 404 myń teńge bólindi.
Zańsyz saqtalǵan atys qarýyn, oq-dárilerdi, jarylǵysh zattardy aqshalai syiaqyǵa tapsyrýǵa niet bildirgen azamat turǵylyqty jeri boiynsha politsiia bólimine ótinish berýi tiis.
Syiaqy mólsherin komissiialar aiqyndaidy. Erikti túrde tapsyrǵandar úshin tólem somasy qarýdyń túrine, onyń tehnikalyq jai-kúiine bailanysty jáne árbir birlik úshin 30 myńnan 300 myń teńgege deiin tólenedi.
«Aktsiia bastalǵannan beri politsiia organdaryna azamattardan 90 ótinish kelip tústi. Jalpy somasy 7 million 403 myń teńgege 115 birlik atys qarýy tapsyryldy. Onyń ishinde 24 birlik oiyq uńǵyly, 90 birlik tegis uńǵyly, 1 birlik travmatikalyq qarý, sondai - aq 1 jaýyngerlik qol jaryqshaqty granata bar», - deidi Jambyl oblysy PD ÁPB bastyǵy politsiia polkovnigi Mámbet Smaiylov.
Jambyl oblysy Politsiia departamenti zańsyz saqtalǵan qarý-jaraq, oq-dárilerdi jáne jarylǵysh zattardy óz erkimen tapsyrýǵa niet bildirgen azamattar qylmystyq jáne ákimshilik jaýaptylyqtan bosatylatyndyǵyn eskertedi.
