Jambyl oblysynda basqarma basshysynyń orynbasary memleketke 51 million teńgege jýyq shyǵyn keltirgen, dep habarlaidy "Ult aqparat".
Sybailas jemqorlyqqa qarsy is-qimyl agenttigi Jambyl oblysy boiynsha departamentiniń baspasóz qyzmetiniń habarlaýynsha, Jambyl oblysy ákimdigine qarasty basqarma basshysynyń orynbasary qyzmettik ókilettigin asyra paidalanyp, memleketke 51 mln teńge kóleminde zalal keltirgen.
«Jambyl oblysy ákimdiginiń tabiǵi resýrstar jáne tabiǵat paidalanýdy retteý basqarmasy basshysynyń orynbasary Shirshinbaev 3,5 jylǵa bas bostandyǵynan aiyryldy. Ol «Moiynqum jáne Qordai aýdandaryndaǵy ýran ken oryndarynyń qalpyna keltirilgen obektilerinde qorshaýdy qalpyna keltirý jáne eskertý belgilerin ornatý» obektisi boiynsha naqty oryndalmaǵan jumystar úshin oryndalǵan jumystardy qabyldaý aktisine qol qoiý arqyly laýazymdyq ókilettigin asyra paidalandy dep kúdikke ilingen. Osylaisha ol memleketke 50 822 236 teńge kóleminde zalal keltirdi» delingen departament habarlamasynda.
