Jambyl oblysy Jambyl aýdanyna qarasty Jasórken aýylyndaǵy «Móldir» balabaqsha-mektep gimnaziiasynyń 2-synyp oqýshysy Jibek Isabek jýyrda el Prezidenti Qasym-Jomart Kemeluly Toqaevqa júrekjardy tilegin jazǵan edi, dep habarlaidy QazAqparat.
Sabaq úlgerimi jaqsy, ozat oqýshylardyń biri – Jibektiń júregi de meiirimge toly. Onyń haty Memleket basshynyń qolyna tigen.
El Prezidenti Jibekke jazǵan hatynda jambyldyq oqýshynyń hatyn asa rizashylyqpen oqyǵanyn aitqan.
«Maǵan joldaǵan ystyq lebiziń úshin rahmet. Seniń erteńgi kúni úlken azamat bolyp ósip, elimizdiń parasatty perzenti atanatynyńa kámil senemin. Bizdiń búgin qolǵa alyp jatqan jumysymyzdyń barlyǵy da jarqyn bolashaǵymyzdyń iesi – ózderińe arnalady. Sondyqtan sabaǵyńdy úzdik oqyp, ustazdaryń men anańnyń bergen tálim-tárbiesin boiyńa sińirip, maqsatqa umtylýdan jalyqpa. Otbasyńnyń qashan da maqtanyshy bolyp, jetistikterge jete ber, ainalaiyn! Anań men baýyryńa menen sálem», - degen Qasym-Jomart Kemeluly Jambyl aýdanynyń oqýshysyna noýtbýk tartý etken.
Óz kezeginde hattyń iesin búgin oblys ákimi Berdibek Saparbaev arnaiy qabyldap, «Mundai hatty júrekti qyz jazady» dep tańdandy.
Izgi nietin kórsetken Berdibek Mashbekuly Jibekke smartfon men kitap syiǵa tartty.
