Búgin Bas prokýratýrada Jambyl oblysynyń Baizaq aýdanyndaǵy jarylys kezinde qaza tapqan Ońtústik óńirdiń áskeri prokýrory Arman Qýanyshuly Qapezovti eske aldy, dep habarlaidy Bas prokýratýranyń baspasóz qyzmeti.
Is-sharaǵa prokýratýra qyzmetkeriniń anasy - Dilda Qapezova, jubaiy - Ásemgúl Qapezova, balalary, jaqyn týystary, sondai-aq Bas prokýratýra ujymy qatysty.
Memleket basshysynyń tapsyrmasy boiynsha Ǵizat Nurdáýletov Dildá Qapezovaǵa I dárejeli «Aibyn» ordenin tapsyrdy. Onyń ulyn qyzmettik boryshyn atqarý kezinde kórsetken batyldyǵy men janqiiarlyǵy úshin qaitys bolǵannan keiin marapattaǵan bolatyn.
Áskeri prokýrordyń anasyna ulyn jáne naǵyz ofitserdi laiyqty tárbielegeni úshin alǵys bildirdi.
Óz kezeginde, Qapezovter januiasy jaqyndaryn joǵary nagradamen marapattaǵany úshin Prezidentke rizashylyq bildirdi.
Bas Prokýror óz sózinde Arman Qapezovtiń prokýratýra júiesinde 24 jyl jumys istep, jaýapkershiligi mol jáne bilikti basshy bolǵanyn, óziniń áskeri boryshyn sońyna deiin abyroimen oryndaǵanyn atap ótti.
Marqumnyń týystaryna arnaǵan sózinde Ǵizat Nurdáýletov prokýratýra organdary onyń otbasyn qoldaýǵa qajetti barlyq sharalardy qabyldaitynyn jetkizdi.
Ol Arman Qapezovtiń erlik isteri bolashaq urpaq úshin, eń aldymen, prokýratýranyń jas qyzmetkerleri úshin árdaiym úlgi bolatynyn erekshe atap ótti.
