QR Tótenshe jaǵdailar ministrligi Jambyl oblys Baizaq aýdanyndaǵy tótenshe oqiǵa boiynsha saǵat 13:00-degi jaǵdai týraly jedel derekterdi málim etti, dep habarlaidy "Ult aqparat".
«Jambyl oblysy Baizaq aýdanynda ornalasqan áskeri bólimdegi jarylys saldarynan sońǵy málimetter boiynsha barlyǵy 9 adam qaza tapty. Onyń ishinde QR TJM, áskeri bólimniń, áskerilendirilgen kúzet pen áskeri prokýratýra qyzmetkerleri bar. Qaza bolǵandardyń jeke basy anyqtalyp jatyr. Tabylmai jatqan 2 adam týraly derekter anyqtalýda. Bul týraly Jedel shtab málimdedi», - dep jazylǵan ministrliktiń baspasóz qyzmeti taratqan málimette.
Tótenshe jaǵdaidy joiýǵa:
- TJM-153 qyzmetker, 46 tehnika,
- DP-400 qyzmetker, 54 tehnika,
- №28349 á/b-8 qyzmetker, 2 tehnika,
- №5513 á/b-273 áskeri qyzmetshi, 12 tehnika jumyldyryldy.
Ulttyq Ulan - 520 adam jáne 250 adam rezervte.
Halyqqa aqparattyq jáne psihologiialyq kómek kórsetý úshin Jambyl oblysynyń TJM jáne TJD jedel jeli ashyldy TJM telefondary – 33-32-89, 53-32-79, TJD - 8 (7262) 51-41-67, 51-37-75, +77788109109.
Aita keteiik, 26 tamyz kúni saǵat 19:00-de Jambyl oblysynyń Baizaq aýdanynda ornalasqan áskeri bólim qoimalarynyń birinen órt shyǵyp, jarylys boldy.
