Jambyl oblysyndaǵy Qyrǵyz Respýblikasymen shekarada ornalasqan blok-beketten bir táýlikte 120-dan astam adam ótken, - dep habarlaidy "Ult aqparat" Jambyl oblysy ákimdiginiń resmi saityna silteme jasap.
Jambyl oblysynyń ákimi Berdibek Saparbaev «Aisha-bibi» shekaralyq beketinde bolyp, kedendik jáne shekaralyq qyzmetterdiń, sondai-aq Qyrǵyzstannan kelgen azamattardy tekserýmen ainalysatyn meditsina mamandarynyń qyzmetimen tanysty. Ótken táýlikte bul beket arqyly 124 adam ótse, onyń ishinde dene qyzý bar nemese 1a, 1b, 2 jáne 3 sanattaǵy elderden kelýshiler tirkelmegen.
Oblys ákimi qaýipsizdikti qamtamasyz etý jáne densaýlyqty saqtaý boiynsha qoiylyp otyrǵan mindetterdi barynsha sapaly júzege asyrýdyń mańyzdylyǵyn atap ótip, salalyq vedomstvolar men Jambyl aýdanynyń ákimdigine birqatar tapsyrmalar júktedi.
