Jambyl oblysynda qabyldanǵan jedel sharalardyń arqasynda koronavirýstyq infektsiiamen kúreste birqatar oń nátijelerge qol jetkizildi. Atap aitsaq, atalǵan dertten saýyqqandar sany arta tústi, dep habarlaidy "Ult aqparat".
Resmi málimetterge sáikes, 5 tamyzdaǵy jaǵdai boiynsha Jambyl oblysynda koronavirýstyq infektsiianyń rastalǵan jaǵdailarynyń sany 3724-ke jetse, búginde onyń 3019 saýyǵyp, aýrýhanalardan shyǵaryldy. Bul jalpy tirkelgen jaǵdailar sanynyń 81 paiyzyn quraidy. Kún saiyn 70-ke jýyq naýqas statsionarlardan shyǵarylýda.
«Sońǵy aptada infektsiialyq statsionarlar men provizorlyq statsionarlardaǵy naýqastar sany 15,4 paiyzǵa, reanimatsiia bólimshelerinde 24 paiyzǵa azaidy», - deidi densaýlyq saqtaý basqarmasy basshysynyń orynbasary Hamit Myrzaqasymov.
Infektsiialyq jáne provizorlyq statsionarlardaǵy patsientter qajetti dárilik preparattarmen qamtamasyz etilgen.
«SK-Farmatsiia» JShS-men birlese otyryp, 7,6 mlrd teńgeniń dári-dármekteri jetkizilgen. H. Myrzaqasymov oblystyq meditsinalyq mekemelerde dári-dármekterdiń bir ailyq qory qalyptasqanyn aitady. Aýrýhanalarda 476 ottegi kontsentratory, 167 ÓJJ apparaty bar. Maýsym aiymen salystyrǵanda ÓJJ apparattarynyń sany 30 paiyzǵa, ottegi kontsentratorlarynyń sany 70% - ǵa artty.
«Dárigerler aýrýhanadan shyqqannan keiin de naýqastardyń jaǵdaiyn baqylaýdy jalǵastyrýda. Olarǵa bul iste emhanalar bazasynda qurylǵan mobildi toptar kómektesýde. Top músheleri shyǵarylǵan emdelýshilerdiń jaǵdaiyn tekserip, qajetti kómekter kórsetedi», - deidi basqarma basshysynyń orynbasary.
Sonymen qatar, atalǵan mobildi toptar úi karantinindegi turǵyndardy da qadaǵalaidy. Oblys boiynsha barlyǵy 214 mobildi top jumys isteidi desek, olardyń quramyna 642 maman engen.
«Qazirgi tańda epidemiologiialyq jaǵdaidyń turaqtaný úrdisi baiqalýda. Ótken aptada koronavirýs aýrýy 1,2 ese, pnevmoniia-2,6 ese tómendegen. Al, jedel járdem shaqyrý qońyraýlar sany 11,4 paiyzǵa azaiǵan.
Búginde koronavirýstyq pandemiianyń ekinshi tolqynyna qyzý daiyndyq jumystary júrgizilýde. Qosymsha taǵy 1600 provizorlyq jáne infektsiialyq tósek oryndaryn ashý, úsh ailyq dári - dármek qoryn qalyptastyrý josparlanýda», - dep túiindedi H.Myrzaqasymov.
