Jambyl oblysynda Kongo-Qyrym gemorragiialyq bezgeginiń tabiǵi oshaǵy 84-ten 48-ge kemidi, dep habarlaidy "Ult aqparat".
Bul týraly baspasóz konferentsiiasynda Jambyl oblysy ákimdiginiń veterinariia basqarmasy basshysynyń mindetin atqarýshy Qanatbek Qartabaev atap ótti. Onyń aitýynsha, oblysta veterinarlyq jaǵdai birqalypty jáne turaqty baqylaýda.
«Kongo-Qyrym gemorragiialyq bezgeginiń tabiǵi oshaǵynda ornalasqan jekelegen eldi mekenderde 3 jyl kóleminde aýrý tirkelmegendikten jáne aýrý qozdyrǵyshyn tasymaldaýshy kene anyqtalmaýyna bailanysty biyl osyndai eldi mekender sany 83-ten 48-ge kemidi. Kenege qarsy jumystardyń kóktemgi eki kezeńi tolyq aiaqtaldy. Nátijesinde josparǵa sáikes 48 eldi mekende kólemi 4 743 647 sharshy metr bolatyn 17 917 qora jai, 502 238 bas mal kenege qarsy 100 paiyz dárilendi», - dedi Qanatbek Qartabaev.
Qazirgi tańda zalalsyzdandyrý jumystarynyń kúzgi 3 kezeńi atqarylýda. Sondai-aq, tabiǵi oshaqta 22 mal toǵytpasy jáne 38 dýsh qoldanysqa alynǵan. Qora-jailardy dezinfektsiialaý jumystary 17 DÝK avtokóligimen júrgizilýde.
