جامبىل وبلىسىندا كونگو-قىرىم گەمورراگييالىق بەزگەگٸنٸڭ تابيعي وشاعى 84-تەن 48-گە كەمٸدٸ, دەپ حابارلايدى "ۇلت اقپارات".
بۇل تۋرالى باسپاسٶز كونفەرەنتسيياسىندا جامبىل وبلىسى ەكٸمدٸگٸنٸڭ ۆەتەرينارييا باسقارماسى باسشىسىنىڭ مٸندەتٸن اتقارۋشى قاناتبەك قارتاباەۆ اتاپ ٶتتٸ. ونىڭ ايتۋىنشا, وبلىستا ۆەتەرينارلىق جاعداي بٸرقالىپتى جەنە تۇراقتى باقىلاۋدا.
«كونگو-قىرىم گەمورراگييالىق بەزگەگٸنٸڭ تابيعي وشاعىندا ورنالاسقان جەكەلەگەن ەلدٸ مەكەندەردە 3 جىل كٶلەمٸندە اۋرۋ تٸركەلمەگەندٸكتەن جەنە اۋرۋ قوزدىرعىشىن تاسىمالداۋشى كەنە انىقتالماۋىنا بايلانىستى بيىل وسىنداي ەلدٸ مەكەندەر سانى 83-تەن 48-گە كەمٸدٸ. كەنەگە قارسى جۇمىستاردىڭ كٶكتەمگٸ ەكٸ كەزەڭٸ تولىق اياقتالدى. نەتيجەسٸندە جوسپارعا سەيكەس 48 ەلدٸ مەكەندە كٶلەمٸ 4 743 647 شارشى مەتر بولاتىن 17 917 قورا جاي, 502 238 باس مال كەنەگە قارسى 100 پايىز دەرٸلەندٸ», - دەدٸ قاناتبەك قارتاباەۆ.
قازٸرگٸ تاڭدا زالالسىزداندىرۋ جۇمىستارىنىڭ كٷزگٸ 3 كەزەڭٸ اتقارىلۋدا. سونداي-اق, تابيعي وشاقتا 22 مال توعىتپاسى جەنە 38 دۋش قولدانىسقا الىنعان. قورا-جايلاردى دەزينفەكتسييالاۋ جۇمىستارى 17 دۋك اۆتوكٶلٸگٸمەن جٷرگٸزٸلۋدە.
