Jambyl oblysynda kásipkerler, oblystyq máslihat depýtattary koronavirýs infektsiiasyna shaldyǵyp, aýyrǵan adamdardy emdeýge barynsha kómek kórsetip jatyr, dep habarlaidy "Ult aqparat".
Kásipkerler tarapynan 338 mln teńge qarjy jinalyp, arnaiy ókpege aýa berý, kontsentrator apparattaryn, qajetti dári-dármekter satyp alyp, oblystyń aýrýhanalaryna taratýda.
Olardyń ishinde, «Kazfosfat» JShS bas direktory, Qazaqstannyń Eńbek Eri M.Eskendirov 38 mln teńgege oblystyq infektsiialyq aýrýhanaǵa 10 apparat satyp alyp berdi. Al, «Talas Investment Company» JShS bas direktory B.Aldashov «Biz birgemiz» qoryna 100 mln teńge aýdardy.
Jambyl oblystyq Isker áielder qaýymdastyǵy infektsiialyq aýrýhanadaǵy dárigerler, medbikeler men sanitarlarǵa 100 adamǵa kúndelikti túski as jetkizip, ókpege aýa berý apparatynyń 12 danasyna, «Taraz» fýtbol klýby 5 danasyna tapsyrys berdi.
«AK Altynalmas» AQ 25 mln teńgege Moiynqum aýdany Aqbaqai aýylynyń turǵyndaryna azyq-túlik, dári-dármekter, «Golden Compas Jambyl» JShS 24 mln teńgege Merki, T.Rysqulov aýdandaryna 2 apparat, «Eýrohim tyńaitqysh» JShS Jańatas qalasy aýrýhanasyna 22 mln teńgege 1 apparat, qajetti meditsinalyq qural-jabdyqtar, «Taraz metallýrgiialyq zaýyty» JShS 20 mln teńgege dári-dármekter men qajetti qural-jabdyqtar satyp aldy.
Oblystyq maslihatynyń depýtaty Ǵ.Saǵyntaev 9 mln teńgege 15 kontsentrator apparatyn satyp alyp, oblystyq infektsiialyq jáne aýdandyq aýrýhanalarǵa berse, «Altais Group» JShS basshysy Á.Jumabaev 15,5 mln teńgege 16 palataǵy ottegi trýbkalaryn júrgizdi, kontsentrator apparattaryn, ortalyq meshit arqyly turmysy tómen otbasylaryna dári-dirmekter taratty.
Sonymen qatar, «Ámir jáne D» JShS, «Kokjiek-2030» JShS, «Sýperfarm» JShS, «Jambyldyń tsement óndirýshi kompaniiasy» JShS, oblystyq kásipkerler palatasy, t.b. kásiporyndar men kásipkerler (barlyǵy 38 adam) aýrýhanalar men áleýmettik osal toptarǵa qolushyn sozyp, qajetti qural-jabdyqtar men dári-dármekter satyp áperdi.
