Foto: Pexels.com
Jambyl oblystyq kópbeiindi aýrýhanasynyń hirýrgteri sirek kezdesetin trihobezoar diagnozymen jetkizilgen 18 jastaǵy naýqastyń asqazanynan shashtan quralǵan úlken túiindi hirýrgiialyq jolmen alyp tastady, dep habarlaidy Ult.kz.
Naýqas ishiniń aýyrýy, júrek ainýy jáne tábettiń joǵalýyna shaǵymdanyp kelgen. ÝDZ, gastroskopiia jáne kompiýterlik tomografiia nátijeleri asqazanda bógde zat baryn kórsetti. Diagnoz – trihobezoar.
Bul jaǵdai trihotillomaniiaǵa shaldyqqan adamdarda kezdesedi – olar shashtaryn julyp, jutý ádetine ie bolady. Nátijesinde shash asqazanda jinalyp, túiinge ainalady. Ýaqyt óte kele bul túiin asqazannyń bitelýine, qanazdyqqa jáne aýyr asqynýlarǵa alyp kelýi múmkin.
Hirýrgter jalpy anesteziiamen laparotomiia jasap, asqazan qýysynan uzyndyǵy 30 sm-den asatyn tyǵyz túiindi alyp shyqty.
Otaǵa hirýrgiia bóliminiń meńgerýshisi Erjan Esimov jetekshilik etti. Operatsiia sátti ótti, asqynýsyz aiaqtaldy. Naýqas besinshi kúni úiine shyǵaryldy.
Dárigerler mundai jaǵdailardyń aldyn alý úshin trihotillomaniiamen aýyratyn adamdarǵa psiholog pen psihiatr kómegine júginýdi usynady.
