Jambyl oblysynda karantin rejimi men sanitarlyq normalardy saqtaý boiynsha tekserýdi júzege asyratyn mobildi top Taraz qalasynda, Baizaq jáne Qordai aýdandarynda 6 otbasylyq is-sharanyń ótkizilgenin anyqtady,- dep habarlaidy "Ult aqparat".
Naqtyraq aitsaq, mobildi toptar ujymdyq týǵan kún keshteri, úilený jáne súndet toilarynyń ótkizilgenin anyqtaǵan. Atalǵan is-sharalardaǵy jalpy qonaqtar sany 300-den astam adamdy quraǵan. Shaqyrylǵandardyń qatarynda 5-ten 73 jasqa deiingi adamdar bar.
Barlyq qonaqtarǵa túsindirý jumystary júrgizilip, al is-sharalardy uiymdastyrýshylarǵa qatysty ákimshilik hattamalar toltyryldy.
Sonymen qatar, tek 1 táýlik ishinde áleýmettik nysandardy ýaqytyly dezinfektsiialamaý, maska rejimin jáne áleýmettik araqashyqtyqty saqtamaýǵa bailanysty 14 buzýshylyq anyqtaldy.
Sonymen qatar, krantin talaptaryn buza otyryp jumys istegen kompiýterlik klýb belgili bolǵan.
«Jalpy 5 shilde men 5 jeltoqsan aralyǵynda túrli 12 myńnan astam nysanǵa reid júrgizildi. Karantin rejimin saqtaý boiynsha 51 monitoringtik top nysandarda 819 zańbuzýshylyqty anyqtap, jinalǵan materialdar ákimshilik jaýapqa tartý maqsatynda taýarlar men qyzmetterdiń sapasy men qaýipsizdigin baqylaý departamentine joldandy. Anyqtalǵan zańbuzýshylyqtar boiynsha jalpy somasy 60 007 578 teńgege 503 aiyppul salynǵan», - deidi Politsiia departamentiniń JPQB bastyǵynyń orynbasary politsiia maiory Manas Ábdikárimov.
