14 mamyr Jambyl oblysy Baizaq aýdany Túimekent aýylynda Ámirjan Qosanovtyń oblystyq sailaýaldy shtabynyń úgit-nasihat toby jergilikti turǵyndarmen kezdesý ótkizdi. Bul týraly úmitkerdiń baspasóz qyzmeti habarlaidy.
Kezdesýge Á.Qosanovtyń aimaqtaǵy senimdi ókilderi - oblystyq shtabtyń basshysy Baqytjan Maqashev, QR Bilim berý isiniń úzdigi, filologiia ǵylymdarynyń kandidaty, QR Jýrnalister Odaǵynyń múshesi Temirbai Muqashev, QR Mádeniet salasynyń úzdigi, respýblikalyq dástúrli ánshiler baiqaýynyń birneshe márte jeńimpazy Baqyt Shaǵyrbaev qatysty.
Kezdesý barysynda elimizdiń ishki jáne syrtqy saiasaty, jergilikti halyqtyń áleýmettik máseleleri talqylanyp, Ámirjan Qosanovtyń sailaýaldy platformasy tanystyrylady. Úmitkerdiń platformasy keńirek zerdelenip, túsindirilip, qatysýshylardyń suraqtaryna jaýap berildi. Kezdesý sońynda ánshi B.Shaǵyrbaevtyń oryndaýyndaǵy ánder kópshilikke tartý etiledi.
