Elordada Jambyl Jabaevtyń 175 jyldyq mereitoiynyń aiasynda shyqqan 10 tomdyq jinaqtyń tusaýkeseri ótti, dep habarlaidy QazAqparat.
Sharaǵa QR Memlekettik hatshysy Qyrymbek Kósherbaev, QR Mádeniet jáne sport ministri Aqtoty Raiymqulova, QR Parlamentiniń Senat jáne Májilis depýtattary, qoǵam qairatkerleri men ǵalymdar, ziialyq qaýym ókilderi qatysty.
Sharanyń ashylýynda sóz sóilegenMemlekettik haty Qyrymbek Kósherbaev bul jinaqtyń mańyzyna toqtaldy.
«Biz búgin uly Jambyldyń 175 jyldyq mereitoiy aiasynda memlekettik tapsyrys arqyly jaryqqa shyqqan 10 tomdyq jinaqtyń tusaýkeser rásimne jinalyp otyrmyz. Uly jyraýdyń sońynda qalǵan soqtaly shyǵarmalaryn ulttyń igiligne jaratyp, keler urpaqqa jetkizý biz úshin ulaǵatty paryz, asyl amanat. Mereitoi jylynda aqyn shyǵarmalaryn nasihattap, halyqqa jetkizýde respýblika kóleminde kóptegen mádeni is-sharalar júrgizilýde. Solardyń biri memlekettik komissiia qabyldaǵan sheshimniń aiasynda jaryq kórgen osy kóptomdyqtar der edim, - dedi Qyrymbek Kósherbaev.
Tusaýy kesilgen 10 tomdyqqa Jambyl Jabaevtyń ótken ǵasyrdyń basynan bastap dúnie salǵanǵa deiingi barsha óleńderi men aitystary, jyrlary toptastyrylǵan. Sondai-aq, aqyn shyǵarmashylyǵyna qatysty ǵalymdardyń ǵylymi zertteýleri, kórnekti aqyn-jazýshylardyń estelikteri de engen.
«Búgin tusaýy kesilip otyrǵan 10 tomdyq jinaq jambytanýǵa qosylǵan úlken úles, halqymyzdyń rýhani qazynasyn molaitqan irgeli eńbek dep esepteimiz. Jyr alyby Jambyldyń búkil murasy, onyń ómiri men shyǵarmashylyǵy týraly estelikter men ǵylymi zertteýler, Jambyl bibliografiiasy tuńǵysh ret tolymdy basylym retinde jaryqqa shyqty», - degen Memlekettik hatshy týyndynyń qazaq halqynyń rýhaniiatyna qosylǵan taǵy bir qundy mura bolatynyna senim bildirdi.
