Foto: Jambyl oblysy ákimdi resmi saity
Jambyl oblysynyń Sarysý aýdanynda materialdyq shyǵyndy zerdeleý boiynsha jumys júrgizilýde, -dep habarlaidy "Ult Aqparat".
Jambyl oblysy ákimdiginiń málimetinshe Sarysý aýdanynda tótenshe jaǵdai saldarynan bolǵan mán-jailarǵa bailanysty materialdyq shyǵyndy zerdeleý boiynsha jumysshy top quryldy.
Eske sala keteiik, aǵymdaǵy jyldyń 7 shildesi kúni Sarysý aýdany aýmaǵynda qatty jaýyn-shashyn saldarynan kólbeý aǵyn qalyptasyp, birqatar kóshedegi 400-den astam úidiń aýlasy, 47 úidiń ishi men 1 mekteptiń jertólesin sý aldy.
Qazir tótenshe jaǵdailar departamentiniń qyzmetkerleri sý sorý jumystaryn jalǵastyrýda. Saǵat 18:30-daǵy jaǵdai boiynsha 18 600 m3 sý soryldy. Jalpy 128 aýla men 47 úidiń ishi sýdan tazartyldy.
Jańatas qalasyndaǵy eki eldi meken (Maloetajka, Degeres) jaryqqa qosyldy. Tek D. Qonaev orta mektebinde sýdan tazartý jumystarynyń júrgizilýine bailanysty jaryq áli berilmedi.
Tótenshe jaǵdai saldarynan bolǵan materialdyq shyǵyndy zerdeleý boiynsha jumysshy top qurylyp, jumys júrgizip jatyr.
8 shilde, tańerteń ushqyzsyz ushý apparatynyń kómegimen sý deńgeiiniń edáýir tómendegeni anyqtaldy. Adam, mal shyǵyny joq.
Zardap shekken turǵyndar úshin 105 oryndyq eki qabyldaý pýnkti daiyndyqqa keltirilip, oǵan 12 adam ornalystyryldy. Qazir olar óz erikterimen úilerine qaitaryldy.
«Jańatas–Saýdakent» tas joly ashyq.
Tótenshe jaǵdaidy joiýǵa azamattyq qorǵaý qyzmetterinen 282 adam, 64 tehnika, 35 motopompa jáne 1 ushqyzsyz ushý apparaty jumyldyrylǵan.
Aita keteiik, Jambyl oblysynyń ákimi Erbol Qarashókeev keshe túnde Sarysý aýdany Jańatas qalasyna baryp, sý alǵan aýlalardy aralap kórip, ahýalmen tanysty.
Aýdandaǵy ahýal aimaq basshysynyń baqylaýynda.
