Foto: egemen.kz
QR TJM "Qazseldenqorǵaý" memlekettik mekemesiniń direktory Kárim Kókirekbaev ustaldy, - dep habarlaidy Tengrinews.kz portaly.
Sybailas jemqorlyqqa qarsy qyzmet Kárim Kókrekbaevtyń para alý kezinde ustalǵany týraly aqparat resmi rastady.
Kókirekbaev "BAZIS CONSTRUCTION" - "INFR." JShS bólimshesiniń direktory Andrei Poplavskiiden shamamen 800 myń dollar para alý kezinde ustalǵan.
Aita keteiik, Kárim Kókirekbaev 1957 jyly 28 shildede Jambyl oblysy Shý aýdanynda týǵan.
Eńbek jolyn 1975 jyly Shý stantsiiasy lokomotiv deposy mashinisiniń kómekshisi bolyp bastaǵan.
Ár jyldary tabiǵi resýrstar jáne qorshaǵan ortany qorǵaý vitse-ministri, "Air Kazakhstan Tour" kompaniiasynyń bas direktory, "Qazaqstan temir joly" UK" AQ bas injeneri, basqarýshy direktory, vitse-prezidenti, Jambyl oblysy ákiminiń orynbasary, birinshi orynbasary qyzmetterin atqardy.
2013 jyldyń jeltoqsanynan 2018 jyldyń qańtaryna deiin Jambyl oblysynyń ákimi boldy.
2018 jyldyń aqpany men 2019 jyldyń tamyzy aralyǵynda Qazaqstannyń Qyrǵyzstandaǵy elshisi qyzmetin atqardy.
