Jambyl oblysynda áskeri bólimdegi jarylys saldarynan oqiǵa ornyna taqaý ornalasqan úsh eldi mekenniń turǵyndary evakýatsiialandy, dep habarlaidy "Ult aqparat".
Jambyl oblysynyń Baizaq aýdanyna qarasty Qainar aýylynda ornalasqan QR Qorǵanys ministrliginiń №28349 áskeri bóliminde (injenerlik-saperlik brigada) oq-dári qoimasynan órt shyqqany týraly habarlama saǵat 19:10-da túsken. Al 250 turǵyny bar Qainar aýyly oqiǵa ornynan 1 shaqyrym da bolmaityn qashyqtyqta ornalasqan. Turǵyndar evakýatsiialanǵan.
Uzyndyǵy 41 metr eni 17 metrlik oq-dári qoimasy órtenip jatyr. Eki úlken jarylystyń bolǵany jáne oblystyq TJD-nyń bir qyzmetkeriniń jaraqattanǵany týraly aqparat bar.
Dabyl belgisimen oblystyq politsiia departamentiniń jeke quramy (300 adam) jáne 5513 áskeri bóliminiń jeke quramy (520 adam) qaýipsizdikti saqtaý jumystaryna jumyldyryldy.
Oqiǵa ornyna jedel járdem brigadasynyń jáne oblystyq tótenshe jaǵdailar departamentiniń 30 toby jiberildi. Apat bolǵan jerge baratyn barlyq joldar, onyń ishinde temirjol ýaqytsha jabyldy. Jaqyn mańdaǵy Bazarbai, Úsh-Bulaq, Jańaturmys aýyldarynyń turǵyndary evakýatsiialanýda. Qoǵamdyq tártipti qorǵaý jáne tonaýdyń aldyn alý maqsatynda evakýatsiialanǵan eldi mekenderdi patrýldeý uiymdastyryldy.
Baizaq aýdanynda jedel shtab quryldy, ony oblys ákimi Berdibek Saparbaev basqarýda.
«Almaty-Taraz» joldaryn oblystyń jol politsiiasynyń 3 ekipajy, «Taraz-Almaty» 5 ekipajy ýaqytsha jaýyp tastady. Taraz qalasynyń N1 qalalyq aýrýhanasyna túrli jaraqatpen 32 adam tústi.
