Jambyl oblysynyń tótenshe jaǵdailar, quqyq qorǵaý jáne meditsina salasynyń ókilderi óńirde bolǵan jarylysqa jumyldyryldy, dep habarlaidy "Ult aqparat".
Jambyl oblysy ákimdiginiń habarlaýynsha, atalmysh máselege bailanysty qandai da bir týyndaǵan suraqtar úshin:
- 109 telefon nómiri;
- 8-778- 810-91-09 vatsap jelisi arnaiy iske qosyldy.
Sonymen qatar, 8(7262) 54-41-67 telefon nómiri arqyly jedel jelige habarlasýǵa bolady.
Apat bolǵan aýmaqtan evakýatsiialanǵan turǵyndarǵa arnalyp oblys ortalyǵynan 400-den astam oryn daiyndalǵan.
Zardap shekkenderge kómek kórsetý úshin 32 dáriger men 56 meditsinalyq qyzmetker jumyldyryldy.
26 tamyz saǵat 23.30-degi jaǵdai boiynsha Taraz qalalyq №1 aýrýhanasyna jáne Baizaq aýdandyq ortalyq aýrýhanasyna 66 adam jetkizildi.
Olardyń kópshiligi jeńil jaraqattanǵan bolsa, 2-i azamat - aýyr jaraqat alǵandar.
«Sonymen qatar, jurtshylyqtan jáne BAQ ókilderinen tek qana resmi túrde jedel shtab tarapynan usynylatyn aqparatty nazarǵa alýdy suraimyz», - delingen habarlamada.
