Jambyl oblysyndaǵy jarylystardan tórt áskeri adam qaza tapty, - dep habarlaidy "Ult aqparat".
Bul týraly búgin baspasóz qyzmetinde qorǵanys ministri Nurlan Ermekbaev málim etti. Sonymen qatar, joǵalyp ketken birneshe adam izdestirilip jatqany belgili boldy.
"Eń aldymen órt sóndirý barysynda qaza tapqan áskeri qyzmetshilerdiń jaqyn-týystaryna kóńil aitamyz jáne jaraqat alǵandarǵa tez arada jazylyp shyǵýyn tileimiz", - dedi Ermekbaev shtabta ótken baspasóz máslihatynda.
Onyń aitýynsha, 26 tamyzda saǵat 18:45-te "Ońtústik" óńirlik qolbasshylyqtyń bazasyndaǵy qoimalardyń birinen órt shyqqan. Órtti sóndirýge eń aldymen áskeri bólimniń órt sóndirýshileri attandy. Áskeri bólimdegi kezekshi birden "Ońtústik" óńirlik qolbasshylyqtyń basshylyǵyna habar berdi.
Órt shyqqannan keiin bir saǵattan soń alǵashqy jarylystar bastaldy. Barlyǵy 10-nan astam jarylys boldy.
Aita keteiik, buǵan deiin 27 tamyz kúngi saǵat 8.00-degi jaǵdai boiynsha, aýrýhanalarda 28 naýqas bar, onyń altaýy aýyr halde jatqany habarlanǵan edi.
