Memleket basshysy Qasym-Jomart Toqaev Jambyl oblysyndaǵy jarylystan keiin qaza tapqandardy marapattady, - dep habarlaidy "Ult aqparat" Aqorda saityna silteme jasap.
Áskeri jáne qyzmettik boryshyn atqarýda kórsetken erligi men janqiiarlyǵy úshin I dárejeli "Aibyn" ordenimen nagradtalǵandar:
Qapezov Arman Qýanyshuly (marqum) - Bas áskeri prokýratýranyń Ońtústik aimaq áskeri prokýrory
Mikropýlo Aleksandr Nikolaevich (marqum) – Tótenshe jaǵdailar ministrligi Jambyl oblysy tótenshe jaǵdailar departamenti órt sóndirý jáne avariialyq-qutqarý jumystary qyzmeti órt sóndirý kezekshi qyzmetiniń jedel kezekshisi (órt sóndirý jetekshisiniń orynbasary);
III dárejeli "Aibyn" ordenimen:
Dálibaev Orazbek Dairauly (marqum) - Qorǵanys ministrligi № 28349 áskeri bólimi vedomstvolyq kúzet komandasynyń atqyshy
Janbolatov Rýslan Júrsinbaiuly (marqum) - Qorǵanys ministrligi № 28349 áskeri bólimi órtke qarsy qorǵanys jáne qutqarý jumystary áskeri komandasynyń mamany (órt sóndirýshisi)
Meshinbai Marat Sailaýuly (marqum) - Qorǵanys ministrligi № 28349 áskeri bólimi órtke qarsy qorǵanys jáne qutqarý jumystary áskeri komandasynyń mamany (mehanik-júrgizýshisi)
Nádirbekov Erkin Erikbaiuly (marqum) - Qorǵanys ministrligi № 28349 áskeri bólimi órtke qarsy qorǵanys jáne qutqarý jumystary áskeri komandasynyń bólimshe bastyǵy (komanda bastyǵy)
Sandybaev Eldos Qadyrbaiuly (marqum) - Tótenshe jaǵdailar ministrligi Jambyl oblysy tótenshe jaǵdailar departamenti órt sóndirý jáne avariialyq-qutqarý jumystary qyzmeti № 3 órt sóndirý bóliminiń aǵa órt sóndirýshi-qutqarýshysy
Temirbolatov Arnur Serikuly (marqum) - Tótenshe jaǵdailar ministrligi Jambyl oblysy tótenshe jaǵdailar departamenti órt sóndirý jáne avariialyq-qutqarý jumystary qyzmeti № 3 órt sóndirý bóliminiń órt sóndirýshi-qutqarýshysy
Tórebekov Táńirbergen Qudaibergenuly (marqum) - Tótenshe jaǵdailar ministrligi Jambyl oblysy tótenshe jaǵdailar departamentiniń órt sóndirý jáne avariialyq-qutqarý jumystary qyzmeti № 1 mamandandyrylǵan órt sóndirý bóliminiń aǵa órt sóndirýshi-qutqarýshysy.
Qazaqstan Respýblikasyna sińirgen asa úzdik eńbegi, qyzmettik boryshyn atqarýda kórsetken erjúrektigi men janqiiarlyǵy úshin Jambyl oblysy tótenshe jaǵdailar departamenti órt sóndirý jáne avariialyq-qutqarý jumystary qyzmeti bastyǵynyń orynbasary Meiirjan Qaqpasynuly Aimanovqa "Halyq qaharmany" ataǵy berilip, airyqsha erekshelik belgisi - Altyn juldyz ben "Otan" ordeni tapsyryldy (marqum).
Esterińizge sala keteiik, 26 tamyzda saǵat shamamen 19:00-de Jambyl oblysynyń Baizaq aýdanynda ornalasqan áskeri bólim qoimalarynyń birinen órt shyǵyp, joiqyn jarylys boldy. Sońǵy málimet boiynsha, Jambyl oblysyndaǵy jarylystan 13 qaza tapqan.
Keshe QR Prezidenti Qasym-Jomart Toqaev 29 tamyzdy Jalpyulttyq aza tutý kúni dep jariialaǵan bolatyn.
Azaly kúnniń jariialanýyna bailanysty kesheden beri Qazaqstan musylmandary dini basqarmasynyń uiǵarymymen eldegi meshitterde beibit kúnde sheiit bolǵan áskeriler men qutqarýshylardyń rýhyna baǵyshtap Quran hatym oqylyp jatyr.
