Jambyl oblysy ákiminiń aitýynsha, búginge deiin 62 turǵyn úi jóndelgen. Jalpy qaita qalpyna keltirý jumystaryn 10 qarashaǵa deiin aiaqtaý josparlanyp otyr. Jibek joly aýylyndaǵy qiraǵan №5 orta mekteptiń ornyna jańa mektep salynady.
Berdibek Saparbaevtyń málimeti boiynsha, 26 adam statsionarda em alyp jatyr. Olardyń 15-i gospitalda emdelip jatqan áskeri, politsiia jáne Tótenshe jaǵdailar jónindegi departamenttiń qyzmetkeri.
"Jarylystan qaza bolǵandar otbasyna materialdyq kómek kórsetilip jatyr, sondai-aq zardap shekken otbasylardyń jumyssyz múshelerin jumysqa ornalastyrý máselesi sheshilip jatyr. Ekinshi deńgeili bankterde qaryzy bar otbasylardyń kreditin óteý máselesi tolyq sheshilgen", - delingen habarlamada.
Sonymen qatar, Memleket basshysyna óńirdiń áleýmettik-ekonomikalyq damýy jóninde málimet berildi. Jambyl oblysynyń ekonomikalyq ósimi - 106,4 paiyz. Biylǵy qańtar-tamyz qorytyndysy boiynsha ónerkásip óndirisiniń ósimi 5,4 paiyz, aýyl sharýashylyǵy 3 paiyz, investitsiia 19,5 paiyz, qurylys 9 paiyz, turǵyn úi 14 paiyz, saýda-sattyq 4 paiyz deńgeiinde bolady dep kútiledi.
Biyl aýa raiynyń qolaisyzdyǵy men qýańshylyqqa qaramastan, egin ónimdiligi óńir boiynsha gektaryna 15 tsentnerden ainalmaq. Ákimniń aitýynsha, oblystaǵy vaktsina alýǵa tiisti turǵyndardyń 72,5 paiyzy ekpe alǵan.
Sonymen qatar, Prezidentke vaktsina shyǵaratyn zaýyttyń daiyn ónimdi quiýǵa tolyq ázir ekeni aityldy. Jumys kestege sai júrgizilip jatyr. Zaýyt pen Biologiialyq qaýipsizdik problemalary jónindegi ǵylymi zertteý institýtynyń qyzmetkerlerine arnalǵan úiler men akt zaly bar dene shynyqtyrý-saýyqtyrý kesheniniń qurylysy jalǵasyp jatyr.
Áńgimelesý sońynda Qasym-Jomart Toqaev óńir ákimine osy baǵyttaǵy jumystardy jalǵastyrý jóninde birqatar naqty tapsyrma berdi.
